2 kun qoldi. "Nasaf" final ostonasida

Ha, klubning moliyaviy holatini oldingisi bilan taqqoslab bo'lmaydi, tarkibda yulduzlar yo'q. Ammo musobaqadagi barcha raqiblaridan iliqroq taassurot qoldirayotgan "ajdarlar" uchun finalgacha 1 qadam qoldi. Buning uchun 20 oktyabr kuni "Markaziy" o'yingohda Gongkongning "Li Man" jamoasi taslim qilinishi kerak.

Nasaf Qarshi

AFC Cup Final Stage . Semi Finals-tur 20/10/2021, 18:00 2 : 3 Finished AET

Lee Man FC

45'

90'

Match-senterda ochish

Raqib nomdor emas. Buning ustiga "Mohun Bagan" darvozasiga 6 ta gol urgan Berdiev shogirdlarini Superligada ham to'xtatib bo'lmayapti. Jamoa haqiqatan  ham ajoyib formada. 

Biroq, futbolning yozilmagan qoidalariga ko'ra, xotirjamlikka berilgan yoki bir lahzaga "balans"ni yo'qotgan tomon darhol "tarsaki" qabul qilib oladi. Bunday holatga "Nasaf" futbolchilari "Ahal"ga qarshi o'yinda duch kelishgan edi.

"Li Man" klubini oldingi turdagi "Mohun Bagan"ga qiyoslash xato bo'ladi. Garchi jamoaviy o'yin yaxshi yo'lga qo'yilmagan bo'lsa-da, gonkongliklar tarkibida yarimta imkoniyatdan bitta gol yasay oladigan 2 nafar legioner bor. Gap 30 yoshli braziliyalik hujumchi Jil hamda 33 yoshli argentinalik xavbek Jonatan Akosta haqida boryapti. Bu futbolchilar tandemi "Nasaf" himoyachilari uchun ancha muammolar yaratishi mumkin.

Bilamiz, Ro'ziqul Berdiev hech qachon raqiblariga past nazar bilan qaramaydi. Umid qilamizki, u ayni paytda ajoyib sport formasida bo'lib turgan shogirdlarini o'yinga ruhan tayyorlashda xatoga yo'l qo'ymaydi. Zero, "Nasaf" futbolchilari xotirjamlikka berilishmasa, final yo'llanmasi muqarrardek tuyulmoqda. Muhimi, koncentraciyani yo'qotmaslik kerak.

Norchaevning kumiri kim? Uning gollari otasini xursand qilmadimi?