So’nggi yangiliklar

22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  4 21:49Уругвай термаси техник ҳамкорсиз қолди, жамоа брендсиз либосларда ўйнамоқда  1 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  3 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  0 19:50Улуғбек Бақоев: "Футболда шунақаси ҳам бўлиб туради"  11 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  7 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0

18 yoshida ilk chempionatimiz to'purari va eng yaxshi futbolchisi bo'lgan Valeriy Kechinov bugun 46 yoshga to'ldi Yangiliklar

18 yoshida ilk chempionatimiz to'purari va eng yaxshi futbolchisi bo'lgan Valeriy Kechinov bugun 46 yoshga to'ldi

Bugun o'zbekistonlik mashhur hujumchi, ilk mustaqil chempionatimiz to'purari hamda eng yaxshi futbolchisi Valeriy Kechinov o'z tavallud ayyomini nishonlayapti.

Millionlar o'yinidagi ilk qadamlarini Toshkentning “Traktor” futbol maktabida qo'ygan Valera shahar chempionatida to'purarlik mahoratini namoyish etadi. Ilk murabbiyi otasi - “Paxtakor” jamoasining sobiq futbolchisi, Respublika toifasidagi hakam Viktor Petrovich Kechinov bo'lgan. Istedodni payqagan “Paxtakor” skautlari uni o'z saflariga qo'shib olishadi.

Kechinov 1992 yilda o'tkazilgan futbol bo'yicha ilk mustaqil O'zbekiston chempionatida “Paxtakor” sharafini himoya qilgan. 18 yoshli o'smir o'sha mavsum chempionatining eng yaxshi futbolchisi va to'purariga aylandi. Valeriy yosh bo'lishiga qaramay, oliy ligada 24 ta gol kiritishga muvaffaq bo'lgan edi. 

Kechinov faoliyati davomida “Spartak”, “Saturn-REN TV”, “SHinnik” kabi klublarda to'p tepgan. 1993 yili Moskvaga ko'chib ketgan Valeriy Rossiya futboli bayroqdori “Spartak” klubi bilan shartnoma imzolaydi. U 1993, 1994, 1996, 1997, 1999 va 2000 yillarda aynan “qizil-oqlar” tarkibida Rossiya chempioni bo'lgan. 1993 va 1994 yillarda Rossiya kubogi sohibiga aylangan. 

Futbolchilik faoliyatini yakunlaganidan so'ng, murabbiylik kurslarida o'qiydi. 2006 yildan 2008 yilgacha Kechinov “Spartak” yoshlariga ustozlik qilgan. 2008 yilda esa “Tom” bosh murabbiyi Miroslav Romashenko yordamchisi vazifasida ishlagan.

Futbolchilik faoliyati

1992 - 1993 “Paxtakor” (38 ta o'yin - 30 ta gol)

1993 - 2000 “Spartak” (112 ta o'yin - 35 ta gol)

2001 - 2002 “Saturn-REN TV” (36 ta o'yin - 13 ta gol)

2002 - 2004 “SHinnik” (42 ta o'yin - 7 ta gol)

Alisher Nikimbaev Kechinov haqida:

“Valeriy Kechinov O'zbekiston milliy terma jamoasi libosida ham maydonga tushgan va xatto gollar ham urgan. Lekin mustaqilligimizning ilk yillaridagi o'yinlar FIFAga kiritilmagani uchun keyinchalik unda Rossiya terma jamoasida o'ynash imkoniyati yuzaga keladi va u bundan foydalanib qoladi. Valeriy 1993 yilgi chempionatning 10-turidan so'ng Moskvaga ko'chib ketgan. Qiziq tomoni shundaki, aynan 10-turda Kechinov va Mirjalol Qosimov “Paxtakor” safida maydonga tushishgan. Bu uchrashuv Kechinov va Qosimov birga o'ynagan yagona bahs sifatida tarixga kirgan. Valeraning o'zi uchun bu “Paxtakor” libosidagi so'nggi o'yin bo'lib qolgan. 

1993 yili men tatilni o'tkazish uchun Moskvaga, keyin u erdan Minsk shahriga borganman. O'sha paytda Belarus poytaxtida olimpiya terma jamoamiz yig'in o'tkazayotgandi. Kechinov yoshi bo'yicha olimpiyachilarimiz tarkibida o'ynay olardi. Moskvada “Spartak” - “Lokomotiv” (3:0) uchrashuvidan keyin jurnalist sifatida Nikolay Starostinga Valeriy haqida savol berganman. Nikolay Petrovich o'sha paytda “Spartak” klubi boshlig'i edi. Valera “Spartak” bilan rasman shartnoma imzolaganidan keyin, uni terma jamoa o'yinlariga qo'yib yuborasizlarmi, deb so'raganimda, Starostindan ijobiy javob olganman. Lekin o'shandan keyin Kechinov umuman milliy terma jamoamizda o'ynamagan. 

Fursatdan foydalanib, O'zbekiston futboli tarixidan joy olgan Valeriy Kechinovga tug'ilgan kun muborak bo'lsin, deb qolamiz!

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика