Solari: "Uch ochko yo'qotdik"

"Afsuski, biz mag'lub bo'ldik va raqobatchilarimiz g'alaba qozonishdi. Uch ochko yo'qotdik. Biz birinchi bo'limda juda yaxshi harakat qildik. Golli vaziyatlar bo'ldi.

Ikkinchi bo'limda esa "Jirona" pressing uyushtirdi va tavakkal qildi. Bizga ko'proq gol urish uchun aniqlik va kuch etishmadi.

LaLigada imkoniyatlar qolmadimi? Bunday emas. Biz haliyam uchta turnirda kurash olib boryapmiz. Keyingi haftada yana bir o'yinimiz bor.

Har bir o'yin qiyin kechadi. Raqib kim va qanday o'rinda ekanligining ahamiyati yo'q. Biz bunga yana bir marotaba guvoh bo'ldik. Oradagi farqni qisqartirib borish uchun yana g'alaba qozonishimiz kerak", - dedi Solari.