Bugun Italiyada jang: "Inter" - "Yuventus" (Prevyu)

"Inter" - "Yuventus"
Bugun, 23:45. Milan, "Juzeppe Meacca"
Bosh hakam: Daniele Orsato.

Ushbu bahsda ikki jamoaga ham g'alaba juda muhim. Biri ECHL, biri chempionlik poygasida qatnashmoqda. Uchrashuvda haqiqiy ajiotaj bo'lishi aniq. Bahsga chiqarilgan chiptalarning barchasi sotib bo'lingan, stadionda qaynoq harorat hukmron bo'ladi. O'yindan oldin birorta jamoani favorit deb aytib bo'lmaydi.

"Inter"

Luchano Spaletti uchrashuvga jangavor tarkibni asramoqda. Jamoada ishtiyoq yuqori, milanliklar so'nggi ikki uchrashuvda g'alabaga erishishdi. Aytish kerakki, jamoa oxirgi 5 bahsning faqatgina bittasida mag'lubiyatga uchragan.

22.04.2018 "Kevo" - "Inter" 1:2

17.04.2018 "Inter" - "Kalyari" 4:0

14.04.2018 "Atalanta" - "Inter" 0:0

08.04.2018 "Torino" - "Inter" 1:0

04.04.2018 "Milan" - "Inter" 0:0

Ayni damda o'yinga qadar jamoada faqatgina bir yo'qotish bor. Roberto Galyardini jarohatidan forig' bo'lmagan.

"Yuventus"

Turin superklubida esa holat biroz boshqacharoq. "Yuve" so'nggi ikki bahsda g'alaba qozona olmadi. Jadvalning so'nggi pog'onalarida borayotgan "Krotone" bilan safarda durang o'ynalgan bo'lsa, bundan bir hafta oldin "Napoli" Turinda g'alaba qozondi.

22.04.2018 "Yuventus" - "Napoli" 0:1

18.04.2018 "Krotone" - "Yuventus" 1:1

15.04.2018 "Yuventus" - "Sampdoriya" 3:0

07.04.2018 "Benevento" - "Yuventus" 2:4

31.03.2018 "Yuventus" - "Milan" 3:1

"Inter"ga qaraganda "Yuve"da yo'qotishlar ko'proq. Jorjo Kellini, Mattia de SHilo va Stefano Sturaro jarohati sababli o'yinda qatnashmaydi.

TAXMINIY TARKIBLAR

O'ZARO O'YINLAR

"Yuventus" o'zaro o'yinlarda ushbu raqibdan anchagina farq bilan oldinda, turinliklar 84 bahsda g'alabaga erishishgan. Milan shahri jamoasi esa 52 bora zafar quchgan. 47 o'yinda tomonlar murosa ko'chasini tanlashgan. Birinchi davradagi uchrashuvda esa g'olib aniqlanmagandi.

JAMOALARNING SO'NGGI O'ZARO O'YINI

Turin. Stadion "Alyanc". 39 319 tomoshabin
Bosh hakam: Paolo Valeri (Rim)
"Yuventus" - "Inter" 0:0
"Yuventus": SHHesny, Kellini, Benatiya, De SHilo, Pyanich (Bentankur 85), Asamoa, Xedira (Dibala 75), Matyuidi, Iguain, Kuadrado, Mandjukich
"Inter": Xandanovich, SHkrinyar, D'Ambrozio, Miranda, Santon (Enrike 63), Vesino, Brozovich, Valero, Perishich, Kandreva (Galyardini 69), Ikardi (Eder 86)
Ogohlantirish: Benatiya 27, Iguain 39 - Brozovich 29, Perishich 40, Santon 61, D'Ambrozio 87, Vesino 90+1.

QIZIQARLI FAKTLAR

- "Inter" o'z maydonidagi so'nggi 4 bahsda g'alabaga erishdi.

- "Inter" "Juzeppe Meacca"dagi so'nggi 4 uchrashuvda gol o'tkazib yubormadi.

- "Inter" hujumchisi Mauro Ikardi 26 gol kiritib, chempionatning to'purarlar poygasida ikkinchi pog'onada ketmoqda.

- "Inter" "Yuventus"ga qarshi o'tgan so'nggi 3 uy uchrashuvida mag'lub bo'lmagan - 2 g'alaba, 1 durang.

- "Yuventus" 2 bahsda g'alabaga erisha olmadi. Agarda jamoa yana yuta olmasa, 2015 yildan keyin ilk bora ketma-ket 3 uchrashuvda zafar qucha olmagan bo'ladi.

- "Yuventus" A Seriya doirasidagi so'nggi 15 safar uchrashuvda yutqazmadi - 13 g'alaba, 2 durang.