“Бу мен учун кулгили. Ҳеч қачон кимдир Роналдунинг келажагига шубҳа қилади деб ўйламагандим. Мен барларда одамлар Платини, Ривера, Баджо ва бошқа топ-футболчилар ҳақида суҳбатлашадиган шаҳарчада улғайганман, Роналду бешта “Олтин тўп”ни қўлга киритди ва мен ҳатто унда нечта Чемпионлар Лигаси титули борлигини ҳам билмайман. Унинг совринлари ва “Ювентус” учун ураётган голлари жуда ҳам кўп. Унинг жамоамизга келиши улкан шараф ва уни бу ердалигидан мамнунмиз. Албатта, у келажакда ҳам “Ювентус” шарафини ҳимоя қилишда давом этади”, дейди Паратичи.
Эслатиб ўтамиз, португалиялик юлдузнинг “Юве” билан амалдаги шартномаси 2022 йил ёзида тугайди.
