"Юве" – бу мен учун "Реал"
18 окт 2024 15:52
Янгиликлар

"Юве" – бу мен учун "Реал"

"Ювентус" клуби ҳимоячиси Андреа Камбьязо "Реал" томонидан бўлаётган қизиқишларга муносабат билдирди.

Олдинроқ Мадрид клуби "Ювентус"нинг 24 ёшли ҳимоячисини кейинги йил ёзида ўз сафига қўшиб олмоқчи экани ҳақида хабарлар чиққанди.

"Менга "Реал"дек клуб қизиқаётганинг ўзи катта гап. Бу ёқимли ва шарафли.

Аммо мен ҳеч қандай таклиф олмадим. Ҳар қандай ҳолатда ҳам, "Юве" – бу мен учун "Реал".

У Италия футболи байроқдори, иккинчи оила ва фаолиятимнинг бурилиш нуқтаси", – деди Андреа Камбьязо Corriere dello Sport нашрига берган интервьюсида.