UZ

Сўнгги янгиликлар

21:08Ла Лига. "Камп Ноу"да дуранг кузатилди ёхуд энди ҳамманинг диққати "Реал" ўйинига қаратилади   139 21:05Бундеслига. “Бавария” чемпион сифатида майдонга тушадиган ўйин учун асосий таркибини эълон қилди  0 20:59АПЛ. “Кристал Пэлас” сафарда аутсайдерни мағлуб этди  0 20:58"Насаф" машғулотларни бошлади. Р.Бердиевнинг ОФК кубоги, Туркманистон клуби қатнашмаслиги ва таркиб ҳақидаги фикрлари  7 20:48Бундеслига. “Боруссия Д” муросасиз баҳсда “Лейпциг”ни енгди, “Вольфсбург”да йирик ғалаба ва бошқа натижалар  3 20:40АПЛ. “Ман Сити” – “Челси”. Таркиблар маълум  15 20:35“Бавария” қаторасига 9-маротаба Германия чемпиони!  11 20:26"Насаф" Тожикистонга кетиш олдидан Тошкентда машғулотларни бошлади ГАЛЕРЕЯ  12 20:20Чемпионшип. Рунининг "Дерби Каунти"си лигада жон сақлаб қолди, плей-офф босқичига қуръа ташланди ва бошқа маълумотлар (+жадвал)  2 19:50А Серия. “Наполи” сафарда йирик ғалабага эришиб, 2-ўринга кўтарилди  3 18:45Дембелега "Арсенал" ва МЮ қизиқиш билдирмоқда  5 18:35Ла Лигада қайси жамоа чемпион бўлади?  12 18:21АПЛ. "Лидс" ўз уйида "Тоттенхэм"ни ишончли ҳисобда мағлуб этди  7 18:04Ла Лига. "Барселона" - "Атлетико". Месси, Гризманн ва Суарес асосий таркибда!  24 17:53Энди расман! Неймар ПСЖ билан шартномасини узайтирди  16

Янги либослар тақдимотини ўтказишни қачон ўрганамиз?! Янгиликлар

Янги либослар тақдимотини ўтказишни қачон ўрганамиз?!

Мамлакатимизда катта футбол мавсуми бошланиш арафасида турибди.

Бугун амалдаги чемпион "Пахтакор" янги бош мураббий Питер Хюистра иштирокида матбуот анжумани ўтказди. Тошкентнинг бошқа бир жамоаси "Локомотив" эса янги сарбон Микаэль Секейра билан бирга жалб қилинган футболчилар билан ҳам матбуот анжумани ўтказди. Шунингдек, Наманганда "Навбаҳор" ҳам янги мавсум олдидан тақдимот маросими ўтказди. Шу баҳонада футболимизда эътибордан четда қолиб келадиган бир жиҳатга тўхталиб ўтишни жоиз деб билдим.

27 февраль куни Жанубий Кореяда К-лига 1 ва К-лига 2да янги мавсум старт олди. Корейс клубларининг ижтимоий тармоқлардаги саҳифаларини кузатар эканман уларнинг мавсум олдидан янги либосларини қай тарзда тақдим этишгани эътиборимни тортди. Сабаби, бу нарса бизнинг футболда эътибордан четда қолиб келади. К-лига 1нинг барча клуби янги мавсум учун формаларини турлича кўринишда тақдим этишган. Бунда асосий форма, дарвозабонлар либоси, иккинчи ва учинчи формалар ҳам тақдим этилади. Бизда эса жамоаларнинг янги либосини одатда майдонга тушиб келишганда биламиз. Баъзида жамоаларимиз мавсум учун "сарполари"ни намойиш этишади. Аммо, ҳаминқадар.

"Сувон" клуби уй ва сафар либосларини шу тарзда тақдим этган.


Ҳамюртимиз Жамшид Искандеров тўп тепадиган "Соннам" клубининг уй ва меҳмон формалари.


"Поханг Стилерс" ҳар уччала комплектни ва дарвозабонларнинг икки комплект либосини ҳам ўйинчилар эгнида акс эттириб тақдим этган.


"Насаф" тарбияланувчиси ҳисобланган Ислом Кенжабоев бориб қўшилган К-лига 1 дебютанти "Жежу Юнайтед" эса барча комплект формаларни битта суратда ва ёқимли кўринишда тақдим этган.


Энди Жанубий Корея ва Ўзбекистон чемпионатини, клубларини ва бу икки юрт футболидаги сармоялардан келиб чиқсак уларга ўзимизни солиштириш тўғри эмас, деган фикр пайдо бўлиши мумкин. Шу жиҳатни инобатга олиб К-лига 2 клубларини ҳам кузатиб чиқдим. Кореянинг иккинчи даражали лигасидаги 10та иштирокчининг барчаси янги либосларини ажойиб кўринишда тақдим этган. Демак, бу борада ҳаммаси эътибор ва шу ишни бажариш учун яратиб бериладиган шарт-шароитларда.

К-лига 2 аъзоси бўлган "Жоннам Дрэгонс" ўйинчилар учун ҳам, киперлар учун ҳам уч хил формаларни тақдим этган.

Зўр-а. Шунга ўхшаш фотосессия ва махсус видеоролик ишлаб янги формани тақдим этиш учун ўзбек клубларига нима етишмайди? Маблағ? Шароит? Хоҳиш? Эътибор?


Ўтган мавсум таркибида ҳамюртимиз Достон Турсунов ҳаракат қилган "Пусан Ай Парк" жамоасининг уй ва меҳмон либоси.


 

К-лига 2нинг навбатдаги иштирокчиси "Ансан Гринерс"нинг уй, сафар ва дарвозабонлар формалари тақдимоти.


К-лига 2 вакили "Пучхон-1995" жамоасининг янги мавсум олдидан либосларни тақдимоти фотосессиясидан.


Юқорида К-лига 1 ва К-лига 2 клублари янги мавсум олдидан либосларини қай тарзда тақдим этишганини кўрдингиз. Шунга ўхшаш фотосессия ва махсус видеоролик ишлаб янги формани тақдим этиш учун ўзбек клубларига нима етишмайди? Маблағ? Шароит? Хоҳиш? Эътибор?

Бу фақат клубларимизга эмас, ЎФАга ҳам тегишли. Яқинда аёллар терма жамоамиз Туркиянинг Анталья шаҳрида "Festival Women’s Trophy 2021" халқаро турнирида иштирок этиб қайтди. Унда қизларимиз янги либосларда ўйнашди. Биз эса буни ўйин галереяси чиққанида суратларда кўрдик.


Шу ўринда яна бир савол туғилади: Ўзи ҳар мавсум либосни алмаштириш нима учун керак? Бу аввало клубнинг титул ҳомийси учун керак. Сабаби, шу орқали улар ўз брендларини реклама қиладилар, ҳар мавсум янги дизайндаги форма ва мухлислар ҳар йили янги футболка харид қиладилар. Дейлик, "Интер" 3 йил бир хил либосда ўйнаса мухлислар ҳар йили янги "сарпо" сотиб олишлари мантиққа тўғри келмайди. Янги дизайн, янги либос ва ҳар йилги харидлар. Европанинг гранд клублари "Nike", "Adidas", "Puma", "New Balance", "Warrior" каби турли брендлардан миллионлаб доллар олишади. Ўзбек клублари ва терма жамоаларимиз учун бу жиҳат мос эмас. Яъни, ҳеч бир вакилимиз учун йирик брендлар махсус дизайндаги либос яратиб беришмайди. Клубларимиз ва терма жамоаларимиз фақат тайёр формаларни сотиб олиб келишади ёки айрим фирмаларнинг Ўзбекистондаги расмий диллерларига буюртма беришади. Шунда ҳам махсус дизайн яратилмайди. Айрим клубларимиз мавсумни ўтган йилги либосларда бошлашади. Бир нечта турдан кейин янги либосларда майдонга тушиб келишади. Бунақаси футболимиз учраб туради. Баъзи клубларимизда ўзининг доимий ранги ҳам йўқ. Маълум даврда бир рангдаги формада, бошқа даврда яна ўзгача рангдаги формада ўйнашади.


Яқинда клубларимиз хориж йиғинларига матбуот хизмати ходимларини олиб кетмаслиги ҳақида мақола чоп этган эдик. Бугунги мавзу ҳам худди ўша хорижга олиб кетилмайдиган фотограф ва матбуот котиблари мавзуси каби муҳим, лекин жавоби кўринмаётган жиҳат. Ҳозирча клубларимиз аста-секинлик билан, босқичма-босқич профессионаллик сари қадам ташлашларидан умид қилишимиз мумкин холос. Зеро, умид охирида сўнади. Охири эса кўринмайди.

Муаллиф : Tolibjon Qosimov
Рейтинг: +17   

Фикрлар

+5   
04 мар 18:44:50
Shakhzod Dusmurodov
Yura davridamiz hali
+3   
04 мар 18:47:25
Nurdiyor Hoshimov
Buning uchun na pul na vaxt va na sharoit zarur.Shunchaki ozgina etibor va did kalla bolsa boldi......
+2   
04 мар 19:09:30
Yunusov Azizbek
Bizaga xali bor
+2   
04 мар 18:52:53
Марфуша, Ғам-ғуссага не ҳожат)
Қачон ўрганамиз билмадику, лекин клубларимиз спорт фирмаларининг энг арзон либосларидан фойдаланишини биламан.
+2   
04 мар 18:49:18
Farruhf
Бизни жамоаларимизда уй формаси, сафар формаси деган атамани тушунадиган раҳбарлар йўқ. Ўз майдонидаги ўйинларида ҳам гоҳ оқ, гоҳ кўк рангдаги формада ўйнайверади
+1   
04 мар 23:47:32
Jamshid Mirzayev
Terma jamoaga Adidas formalari rosa yarashgandi afsus yana o'sha qopga o'xshagan formaga qaytib oldik
+1   
04 мар 23:07:26
Said Masaidov
Бизда футбол клублари халқни ҳисобидан кун кўради. Шуни бошласалар оғир яна халққа тугади. Нима кераги бор. Толибжон билган нарсани кўпчилик билади
+1   
04 мар 21:35:29
Sharif81
Маркетинг умуман йук, факат билет пул келтира деб утиришибти халиям
+1   
04 мар 21:18:16
Otabek Turg'unov
Корея реклама қилади и сифат шунга яраша мухлислари олади. Бизда тасаввур қилинг машални формасини биров кўчада кийиб юрибди.
+1   
04 мар 19:27:14
Dovudhon
Akajon bizda forma deysiz ha ularda sponsir borda bizdachi hali bizga ancha bor formani reklama qilishdan ularga nimafoyda sponsirni reklama qiladida bizda ham bulib qoladi 2050 yilarda
+1   
04 мар 19:06:31
Dosya from is Bukhara
Qaconki klublarimiz xususiy boʻlsa ana oʻshandagina bunaqa ishlar boʻladi, ungaca saviyali legioner, akademiyaga, yoshlarga etiborni kutish kerakmas.
   
05 мар 14:43:38
Shahi
Shakhzod Dusmurodov фойдаланувчининг фикрига жавоб бериш
Yura davridamiz hali
axaxaxaax
   
05 мар 13:38:47
PAXTAKOR HAMMADAN ZO'R
Juda to'g'ri fikrlar. Yevropadan ayniqsa Apldan o'rganish kerak formalarni dizaynida ham uni namoyish qilishda ham. Qachon professionallik bolarkina bizda ham. Yevropa klublarida shaxsiy TELEVIDENIYAsi bor bizda qachon bo'ladi bu narsalar. Bizni klublarda ikki xil komplektda bo'ladi forma, uchinchisi yo'q. Odatda ikkinchi forma ham o'xshash bub qosa raqib formasiga tvda ajratish qiyin bub qoladi kim kim ekanini. QOLAVERSA RANG BARANGLIK YO'Q FORMALARDA, RAQAMLAR, ISM FAMILIYALAR YOZISH STILI HAM BIR XIL.
   
05 мар 06:51:48
Bavariya n1goll
Профессиональ буламиз демизу оддий формада билинади бизни футбол даражаси. Агар уйин пайтида кимнингдир формаси йиртилиб кетса нима булади. Урнига уша рангдаги ва фамиляси бир хил булган захира формаси тайёр турадиган жамоамиз борми
   
05 мар 01:18:34
real.madrid/kokand1912
Tolibjon uka yahshi mavzuni ko'taribsiz to'htab qolmang davom ettiring qachondur foydasi buladi albatta, sizdan bitta iltimos Qo'qon1912 jamoasini logosi xaqidayam biror narsa yozvoring jamoa libosiga chidayapmizu logotip dizayiniga chidab bulmayapti kup bora murojat qildim foydasi bulmadi yana bir bor iltimos sizdan axir logo jamoani yuziku
championat.asia
< сўнгги янгиликларни кўриш
Яндекс.Метрика