UZ

Сўнгги янгиликлар

05:15Olamsport: Абдулманап Нурмагомедовнинг ўлими сабаби ва бошқа хабарлар  0 00:49“Барселона” Гризманни “Ювентус”га таклиф қилмоқда  4 00:18Обамеянг ҳафтасига 250 минг фунт-стерлинг талаб қилаяпти  2 23:53Микель Артета: “Ҳозирги ҳолатимизда хато қилишга ҳаққимиз йўқ”  0 23:29Сандро Росель: “Бошқа Мессини топиб бўлмайди. Усиз “Барса”га қийин бўлади”  11 23:03Абдусамад Дўрмонов: "Нефтчи"нинг мақсади ҳар битта ўйинда ғалаба қозониш ва Суперлига йўлланмаси учун курашиш"  6 22:58Учқун Қобилов: "Динамо" кучли тўртликка киришга ҳаракат қилиши керак"  6 22:45Буффон футболчилик фаолиятини якунлагач, мактабда таълим олади  4 22:41Coca Cola Суперлига 8-тур ўйинлари бошланиш вақтлари  2 22:29Асрор Алиқулов: "Сафимизда Про лига баҳсларига тайёр бўлмаган футболчилар ҳам бор"  2 22:16Анвар Бердиев: "Истиқлол"нинг мақсади Суперлигага чиқиш!"  2 22:02"Тезкор студия". 7-тур шарҳи - "Насаф"нинг илк мағлубияти ва бошқа воқеалар  1 21:53"Интер" "Челси" футболчисини сотиб олмоқчи  5 21:50"Турон" бош мураббийи Ислом Исмоилов: "Мақсадимиз сари интилишдан тўхтамаймиз"  2 21:47"Хоразм" бош директори Мақсуд Каримов: "Биринчи тур ўтди, ҳали хулоса чиқаришга эрта"  8

Хорхе Фоссати: "Пахтакор" ва "Ал Аҳли"да Месси йўқ" Янгиликлар

Хорхе Фоссати: "Пахтакор" ва "Ал Аҳли"да Месси йўқ"

ОЧЛ-2019 гуруҳ босқичи 2-туридан ўрин олган "Пахтакор" - "Ал Аҳли" учрашувидан олдинги матбуот анжуманида меҳмонлар устози Хорхе Фоссати ва футболчи Муҳаммад Ал Овайс иштирок этишди.

"Эртага жуда оғир ўйин бўлишини кутаяпмиз. Сабаби барчамизга маълум "Пахтакор" жуда кучли жамоа. Улар янги мавсумни яхши бошлай олди. Рақибимиз илк турда Теҳронда дуранг ўйнашга эришди. Уларга қарши ўйнаш осон бўлмайди. "Пахтакор" кучли жамоа.  Лекин "Ал Аҳли" кучли. Шу боис эртанги учрашув нафақат биз учун, балки рақиб учун ҳам қийин бўлишига амиинман", - дейди Хорхе Фоссати. 


"Эртага бизни муҳим ва масъулиятли ўйин кутиб турибди. Гуруҳдаги барча клублар кейинги босқичга чиқишга муносиб. Биз йўлнинг бошида турибмиз. Барча жамоаларда имконият тенг. Рақибимиз кучли бўлса ҳам олдимизга қўйилган вазифа, ғалаба қозонишга ҳаракат қиламиз", - дейди Муҳаммад Ал Овайс. 


- "Пахтакор"нинг қайси футболчисидан хавф кутаяпсиз? 

- Ҳар сафар ўйинга тайёргарлик кўриш жараёнида бутун жамоага қарши тайёрланиш муҳим саналади. Қачондир "Барселона"га қарши ўйнасангиз, уларда барча эътиборни Мессига қаратсангиз бу хато бўлади. Сабаби бошқа футболчи етакчиликни қўлга олиши мумкин. "Пахтакор"да эса барча футболчилар тенг кучли. Ҳар бир футболчини ўргандик ва тайёргарлик кўрдик. Яна бир нарсани таъкидлаш лозим, "Пахтакор" ва "Ал Аҳли" сафида Месси даражасидаги ўйинчи йўқ. 


- Жамоага яқинда келдингиз. Нимани ўзгартиришга уриндингиз ва нимани ўзгартира олдингиз. Сўнгги йилларда жамоа етакчилари Ал Сома, Тайсир Ал Жассим, Мусайлим ўзгаришсиз ўйнаб келишмоқда. 

- "Ал Аҳли" бунга қадар иккита мусобақада иштирок этиб келаётган эди: Миллий чемпионат ва мамлакат кубоги. Ҳозир эса биз учта мусобақада иштирок этаяпмиз. Ҳар 3-4 кунда ўйин ўтказаяпмиз. Эртага менинг қўл остимда 8-учрашувни ўтказамиз. 30 кун ичида 8та ўйин ўтказдик. Бу ҳар қандай жамоа учун қийинлик қилади. Ўзим истаган янгиликларни секин-аста киритиб бораман. Аммо бундай тиғиз графикда ўзгаришларни амалга ошириш қийин. 


- Сиз 2011 йил "Ал Садд" бош мураббийи сифатида ОЧЛда ғолиб бўлсангиз. Сўнгги йилларда фақат Шарқий Осиё клублари совринни бермай келишмоқда. Араб клуби билан қандай бу натижага эришгансиз? Бунинг сири нимада? 

- Замонавий футболда катта сирлар йўқ. Барча ҳам ўйинга тайёргарлик кўриш жараёнида рақибни ўрганилади. 2011 йилда ҳам баъзида ютдик, баъзида ютқаздик. Якунда чемпион бўлгандик. Жамоада яхши футболчилар йиғилган эди. Энди "Ал Аҳли" билан ҳам бу мусобақада чемпион бўлишга уринамиз. 


- Эртанги баҳсда "Ал Аҳли"ни қўллаш учун мухлислар келади деб ўйлайсизми? 

Муҳаммад Ал Овайс: - Биз Тошкентда ўйнаймиз. Эртага бизни қўллаш учун стадионга кела олишмайди. Аммо уларнинг далдасини ҳис қилиб турамиз. 


Нарзулла Сайдуллаев


Рейтинг: -25   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг