Хато тан олинди: "Арсенал" дарвозасига пенальти белгиланиши керак бўлган
02 янв 07:30
Янгиликлар
Хато тан олинди: "Арсенал" дарвозасига пенальти белгиланиши керак бўлган
АПЛ ўйинлари баҳсли ҳолатларини тахлил қилувчи комиссия 20 декабрь куни "Эвертон" - "Арсенал" учрашувида меҳмонлар дарвозаси томон пенальти белгиланиши керак бўлганини маълум қилди.
Учрашувнинг 58-дақиқасида мезбонлар футболчиси Тьерно Барри рақиби Вильям Салибадан зарба қабул қилиб олиб, "Арсенал" жарима майдончаси ичида йиқилди. Бироқ баҳсни бошқариб борган Сэм Бэрротт пенальти белгилашни истамади.
Комиссия аъзолари ушбу ҳолатда Сэм Бэрроттнинг қарори хато бўлганини маълум қилди.
"Салиба эҳтиётсизлик натижасида Баррини тепиб юборди. Бу ҳолатда комиссия аъзоларидан 3 киши хато қилинганини маълум қилди. Икки эксперт Бэрротт тарафида бўлди. Уларнинг фикрига кўра, бу контакт пенальти учун етарли эмасди", - дейилади хабарда.
Шунингдек, ушбу баҳсда ВАРда ишлаган Майкл Солсбери ҳолатни кўриши учун бош ҳакамга мурожаат қилиши керак бўлган.

Ўхшаш янгиликлар
championat.asia
Испания кубоги. "Барселона" "Атлетико"ни йирик ҳисобда ютган ўйинда мадридликлар финалга йўл олди
Ҳамдамовга аталган оқшомда "Пахтакор" "Қўқон-1912"ни сафарда қийинчилик билан енгди
Умид Ҳамроев учрашув қаҳрамони бўлган баҳсда "Бухоро" "Навбаҳор"ни меҳмонда мағлуб этди
"Атлетико"ни йирик ҳисобда мағлуб этиб, кубокдан чиқиб кетган Флик нималар деди?
Фикрлар