"Реал Мадрид" клуби футболчиси Винисиус Жуниор ФИФА томонидан йилнинг энг яхши футболчиси учун бериладиган The Best совринини қўлга киритганидан сўнг ўз кечинмалари билан бўлишди.
"Бу ерга етиб келишим бошида имконсиздек туйиларди. Мен жиноятчилик ва қашшоқликка жуда яқин кичик бир жойдан келганман. Ҳозир эса бу саҳнада турибман.
Бу совринни олишимга сабабчи бўлган "Реал Мадрид"даги ҳаммага, оилам, дўстларим, "Фламенго" ва мамлакатимдаги инсонларга раҳмат айтаман", -дейди Винисиус Жуниор.
