UZ

Сўнгги янгиликлар

09:47Бундеслига. 5-тур якунланди. "Бавария" ҳалиям биринчи ўринда эмас...  1 09:31Зидан «Бетис»га қарши ўйиндан сўнг нималар деди?  14 09:13"Реал" - "Бетис" 0:1 ёхуд Бензема билан шартнома узайтирилди!  19 09:10Олий лига. Бугун "Локомотив" - "Пахтакор" ва бошқа ўйинлар бўлиб ўтади  26 09:01Андижонда вилоят футбол федерациясининг навбатдан ташқари йиғилиши бўлиб ўтди ФОТОГАЛЕРЕЯ   3 08:50"Реал Мадрид" - "Бетис". Футболчилар неча балл олишди?   9 08:31Жозе Моуриньо: «Англия лига кубогисиз футбол янада яхшиланармиди? Балки»  4 08:16«Шўртан» - «Навбаҳор»: ПРЕВЬЮ  1 08:14«Динамо» - «Бунёдкор»: 3-уринишда ғолиб аниқланадими?  5 07:58«Реал» мутлоқ жаҳон рекордини ўрната олмади  45 07:57“Металлург» – "Қўқон-1912" учрашувининг бошланиш вақти маълум бўлди  1 02:55Дахшатли сенсация! "Реал Мадрид" ўз уйида "Бетис"га ютқазди  272 02:37Англия лига кубоги. 1/8 финал жуфтликлари маълум  5 02:22«Ювентус»нинг уйдаги мағлубиятсиз серияси 40та ўйинга етди!  7 02:11Англия лига кубоги. «Манчестер Юнайтед» ва «Челси»дан йирик ғалабалар  7

15 ноя 18:57
Янгиликлар

Вьетнамга яна учта гол урдик

Осиё Кубоги-2015 саралаши доирасидаги Вьетнам - Ўзбекистон учрашуви бўлиб ўтди.
Ушбу саҳифада ўйиннинг матнли трансляциясини кузатиб бориш мумкин бўлди.

Ўйиннинг 4-дақиқасида Игорь Сергеев рақиб жарима майдони ичида дарвозага зарба берди, тўп йўлига рақиб посбони тўғаноқ бўлди. Вакилларимиз яна бир ҳужум ташкил этишди, аммо ўнг қанотдан бошланган ҳужум охирига етгани йўқ. 10-дақиқада Анзур Исмоилов майдон марказида рақибга нисбатан қўпол ўйнади. 12-дақиқада вакилларимиз яхши ҳужум ташкил этишди. Виталий Денисовнинг қанотдан узатган тўпидан сўнг Турсунов тўпни орқароқдаги шеригига узатди, берилган зарбадан сўнг тўп ҳимоячига тегиб қайтди. Рақиблар ўйиндаги илк бурчак тўпини 15-дақиқада эга бўлишди, ҳимоячиларимиз хавфни бартараф этишди. 18-дақиқада Виталий Денисовнинг фаоллиги эвазига рақиб дарвоза олдида хавфли вазият содир этилди. Турсуновнинг ерлатиб йўллаган зарбасини посбон эгаллаб олди. 20-дақиқада Одил Аҳмедов ўз жарима майдони ичида тўпни олиб қўйиб олдинга ўтди, рақиблар уни майдон марказида қўполлик билан тўхтатишди. 25-дақиқада Жепаров бурчак тўпини амалга оширди, Сергеев узоқ устун ёнидан тўпни марказдаги шеригига ташлади. Воҳид Шодиевнинг боши билан йўллаган зарбасидан сўнг тўп ҳимоячиларга тегиб қайтди. 32-дақиқада вьетнамликлар қарши ҳужумга ўтишди, Анзур Исмоилов ва Элдор Суюнов биргаликда бу ҳужумни қайтаришди. 34-дақиқада Воҳид Шодиев ўйиндан ташқари ҳолатда туриб гол урди, ҳакам табиийки голни инобатга олмади. 37-дақиқада Луонг Виталий Денисовга нисбатан қўпол ўйнади. Навбатдаги ҳужум вақтида Жепаровнинг пасидан сўнг Игорь Сергеев тўпга ета олмади. 42-дақиқада ҳисоб очилди. Вьетнам посбони Бун Тан Труонг тўпни кутилмаганда қўлидан чиқариб юборди, уни ёнида турган Воҳид Шодиев осонлик билан гол урди - 0:1. Биринчи бўлимга 2 дақиқа қўшиб берилди. Турсунов ўнг қанотда фаол ўйнади ва бурчак тўпини ишлади. Одил Аҳмедовнинг зарбаси ноаниқ бўлди ва шу билан дастлабки бўлим якунланди.

Иккинчи бўлим бошланди. 47-дақиқада ҳисоб ўзгарди. Жепаровнинг пасидан сўнг Игорь Сергеев боши билан дарвозани ишғол қилди - 0:2. 52-дақиқада рақиб посбони ўз ҳимоячиси ва Игорь Сергеев билан тўқнашиб кетди. Натижада Нхиен майдонни тарк этди ва уни ўрнига бошқа футболчи тушди. Жепаровнинг жарима тўпидан ошириб берган тўпини Сергеев дарвозага йўллади, хавфли, аммо ноаниқ. Кейинги ҳужумда эса бўш дарвозага зарба берилмади. 61-дақиқада Вьетнамнинг ҳужуми, Хоангнинг зарбаси ўта ноаниқ кетди. 66-дақиқада Жепаровнинг пасидан сўнг Воҳид Шодиев тўпни дарвозага кучли зарба берди, тўп дарвоза тўсини устидан ўтиб кетди. 69-дақиқада захирадан майдонга тушган Сардор Рашидов чап қанотдан жарима майдони ичига ёриб кирди ва бурчак тўпи ишлади. Жепаров амалга ошириб берган бурчак тўпидан сўнг дарвозабон хавфни бартараф этди. 74-дақиқада захирадан ўйинга қўшилган Жамшид Искандеров рақиб жарима майдони ичида ҳимоячини алдаб ўта олмади. 76-дақиқада Рашидовнинг кучли зарбасидан сўнг дарвозабон тўпни қўлидан чиқариб юборди, қайтган тўпни вакилларимизга насиб этмади. 78-дақиқада Жепаров жарима тўпини амалга оширди, тўп жонли деворга тегиб йўналишини ўзгартирди. 79-дақиқада Игорь Сергеев 16 метрлардан дарвоза томон зарба берди, тўп дарвоза тўсини устидан ўтиб кетди. 80-дақиқада Жамшид Искандеров майдон марказида уч нафар рақиб қуршовидан чиқиб кетди ва тўпни қанотга ошириб берди. Рашидовнинг зарбасидан сўнг тўп ҳимоячиларга тегиб чиқиб кетди. Вакилларимиз ўйин сўнггида чиройли ўйнашга интилишмоқда. 85-дақиқада Ислом Тўхтахўжаев ҳужумда пайдо бўлиб зарба берди, ноаниқ. 88-дақиқада Сардор Рашидов чап қанотдан дарвозани нишонга олишга уринди, тўп дарвоза тўсини устидан ўтиб кетди. 89-дақиқада Ислом Тўхтахўжаевнинг чиройли пасидан сўнг Сардор Рашидов тўпни ўзига яхши бўйсундириб дарвозанинг узоқ бурчагини аниқ нишонга олди - 0:3. Асосий вақтга 4 дақиқа қўшиб берилди. 90+2-дақиқада вьетнамликлар сардори Тан Таи Анзур Исмоиловга нисбатан жуда қўпол ўйнади ва ҳакам томонидан қизил карточка олиб майдонни тарк этди. Учрашув шу ҳисобда якунланди ва Ўзбекистон ўз очколарини 7тага етказиб олди.


Вьетнам - Ўзбекистон 0:3
Голлар: Воҳид Шодиев, 42 - 0:1. Игорь Сергеев, 47 - 0:2. Сардор Рашидов, 89 - 0:3.
Ҳакамлар: Ким Жонг Хёк (Жанубий Корея), Кванг Йеол (Жанубий Корея), Жи Сеунг Мин (Жанубий Корея), Ю Минг Сун (Хитой)
Вьетнам: 1.Бун Тан Труонг, 2.Ау Ван Хоан, 4.Нгуен Ван Биен, 6.Чау Ли Пхуок Вин, 10.Хоанг, 12.Хуйин Куок Ан, 13.Нгуен Куанг Хаи (21.Маи Тиен Тан, 76), 14.Таи, 15.Бин, 18.Нхиен (16.Нгуен Хуан Тан, 52), 19.Луонг.
Ўзбекистон: 12.Элдорбек Суюнов, 5.Анзур Исмоилов, 9.Одил Аҳмедов, 13.Даврон Хошимов (20.Ислом Тўхтахўжаев, 79), 19.Виталий Денисов, 7.Азиз Ҳайдаров, 18.Фозил Мусаев, 8.Сервер Жепаров (с), 17.Санжар Турсунов (23.Сардор Рашидов, 46), 15.Воҳид Шодиев (14.Жамшид Искандеров, 70), 10.Игорь Сергеев.
Огоҳлантиришлар: Таи 29, Игорь Сергеев 55,
Четлатиш: Таи 90+2.

Тошкент вақти билан соат 20:30да БАА – Гонконг ўртасидаги ўйин бошланади.

ОК-2015, САРАЛАШ, «Е» гуруҳидаги вазият

Жамоа

Ў

Ю

Д

М

Т-Н

О

1

БАА

3

3

0

0

8-2

9

2

Ўзбекистон

4

2

1

1

7-3

7

3

Гонконг

3

1

1

1

1-4

4

4

Вьетнам

4

0

0

4

2-9

0



Рейтинг:    

Фикрлар

< сўнгги янгиликларни кўриш

Энг яхшилар

Бобомуродовнинг футболдан бутунлай четлатилишига сабаб бўлган вазият. ВИДЕО Бобомуродовнинг футболдан бутунлай четлатилишига сабаб бўлган вазият. ВИДЕО
Олий лига ҳакамларидан бири Рустам Бобомуродов футболдан бутунлай...  207
ЎФФ терма жамоага хориждан мураббий қидирмоқда ЎФФ терма жамоага хориждан мураббий қидирмоқда
12 сентябрь куни Ўзбекистон футбол Федерациясига Умид Аҳмаджонов янги ...  176
Рустам Бобомуродов ҳакамликдан четлатилди Рустам Бобомуродов ҳакамликдан четлатилди
Ўзбекистон Футбол Федерацияси Президенти Умид Аҳмаджоновнинг...  169
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: