Учрашув бош ҳаками Сандро Шерер VAR видеотакрорларидан сўнг Альфонсо Дэвиснинг қўли билан ўйнаганини қайд этиб, пенальти белгилаган эди. Вазият Усмон Дембеленинг жарима майдончаси ичига узатган тўпидан сўнг юзага келганди.
— "Мен кўрган кадрларга таяниб айтадиган бўлсам, белгиланган пенальти катта шубҳа ва баҳсларни келтириб чиқармоқда. Менимча, тўп аввал Дэвиснинг танасига тегиб, сўнгра қўлига рикошет бўлиб қайтди. Агар вазият айнан шундай бўлган бўлса, бу қоидага кўра пенальти эмас", — деди Компани.
