Венгер хатосини тан олди. Арсен Cанчесни аввалроқ сотиб юбормаганидан афсусда

“Арсенал” ёзда Алексис Санчесни бошқа клубга сотишни истамади. Арсен Венгер чилиликнинг ўрнига бошқа футболчи олиш истаги бор эди. Орадан ярим йил ўтиб Венгер жамаода ўйнагиси келмаган футболчини қўйиб юбориши кераклигини ва бу ўз навбатида жамоага таъсир ўтказганини тан олди.

“Санчес ва Ўзилнинг шартномалари борасида кўплаб ноаниқликлар мавжуд эди. Мавсум жуда ҳам мураккаб ўтмоқда. Ортга назар ташларканман, биз уни эртароқ қўйиб юборишимиз мумкин эди. Мен Санчеснинг ўйинга борини бераётганига ҳеч қачон шубҳа қилмаганман, аммо бу вазият унинг учун ҳам мураккаб эди”, —деб айтди Венгер.