Вагиз Галиулин Россия клубини тарк этди
18 июн 2024 15:24
Янгиликлар

Вагиз Галиулин Россия клубини тарк этди

Россиянинг "Нефтехимик" клуби 8 нафар футболчи билан хайрлашганини эълон қилди.

Рўйхатда ўзбекистонлик ярим ҳимоячи Вагиз Галиулин ҳам бор. Ундан ташқари Денис Талалай, Константин Базелюк, Павел Котов, Алексей Бердников ва Роман Денисов ҳам "Нефтехимик"ни тарк этишди.

Ижарада ўйнаган Даниил Липовой ва Давид Кокоев ҳам ўз клубларига қайтиб кетишди.

"Нефтехимик" клуби барча футболчиларга миннатдорчилик билдирган.

Маълумот учун, Галиулин фаолияти давомида "Нефтехимик" сафида жами 155 та ўйинда майдонга тушиб 16 та гол урган ва 24 та голли узатмани амалга оширган.