UZ

Сўнгги янгиликлар

18:35Илёс Зейтуллаев: "Андижон" учун мотивация муҳим рол ўйнади, "Бунёдкор" ажойиб мавсум ўтказди"  0 18:31Суперлига-2025. Игорь Сергеев — тўпурар  0 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  4 18:07"Андижон" мураббийи Элёр Раҳматуллаев: "Охирги кунларда қийин вазиятдан чиқишимизга Самвел Бабаян ёрдам берди"  3 18:06"Пиза" — "Интер". Таркиблар маълум  1 18:00Ҳаким Фузайлов: "Плей-оффга кўтаринки кайфиятда бориш учун ҳам бугун ғалаба керак эди"  1 17:53Миржалол Қосимов: "Мавсумни ғалаба билан тугатиш яхши"  0 17:53"Вест Хэм" — "Ливерпуль". Таркиблар маълум  4 17:45Отабек Нарзуллаев: "Уй ўйинларимизни Муборакда ўтказганимизда кўпроқ очко олардик"  1 17:29Суперлигада қолиш учун қайси клублар кураш олиб бориши маълум  21 17:26Виталий Левченко: "Кейинги мавсумда Фарғонада қолишим ёки қолмаслигимни билмайман"  9 17:10Суперлига. "Нефтчи" сафарда ютқазди, "Андижон" Тошкентда ғолиб бўлди ва қолган натижалар   42 16:34"ЎФФ Президенти кубоги" мусобақасида 3-тур учрашувлари ўтказилди  0 15:57"Кристал Пэлас" — "Манчестер Юнайтед". Таркиблар маълум  4

Вадим Абрамов "Андижон" билан ўйиндан сўнг: "Бундай майдонда мухлисларга ёқадиган ўйин намойиш этиб бўлмайди" Янгиликлар

Вадим Абрамов "Андижон" билан ўйиндан сўнг: "Бундай майдонда мухлисларга ёқадиган ўйин намойиш этиб бўлмайди"

Coca Cola Суперлигасининг 23-тур доирасида бўлиб ўтган “Андижон” ҳамда “Бунёдкор” жамоалари ўртасидаги учрашувдан кейин бўлиб ўтган матбуот анжуманида “Бунёдкор” клуби бош мураббийи Вадим Абрамов иштирок этди.

- Ўйлашимча, ўйин ҳисобга мос бўлди. Икки жамоа ҳам ғалабага ҳақли эмасди. Футбол шунақа, ўйин якунида олдинга чиқиб олгандик, лекин якунда аламли гол ўтказиб юбордик. Ўйин тенг курашлар остида ўтди. Мухлисларга ёқдими ёки ёқмадими, билмайман. Майдон чиройли ўйин намойиш этишга йўл қўймади, бундай майдонда мухлисларга ёқадиган ўйин намойиш этиб бўлмайди.

- Сизга ҳам терма жамоада, ҳам клубда ишлаш қийинчилик туғдирмаяптими?


- Нимаси қийин бўлиши мумкин, барибир заҳира ўриндиғида ўтираманку! Бугун терма жамоа ўйнамаяпти-ку, шу боис мен бу ердаман. Ўйлайманки, икки фронтда ишлаш қийин эмас.

- Ҳакамлик ҳақида нима дейсиз?


- Нима дейишим мумкин? Ўз савиясича ҳакамлик қилди. Мен билмадим нима учун иккинчи сариқ карточкани кўрсатди. Мен ундан нима учун иккинчи сариқ карточкани кўрсатдинг деб савол берсам, вақт чўзгани учун деб айтди.

-“Андижон” таркибида миллий терма жамоасига тортадиган футболчилар борми?

- Мен “Андижон” футболчилари деярли барчасини биламан. Ўзингиз нима деб ўйлайсиз, терма жамоасига тортадиган футболчи борми? Ким? Убайдуллаев? Албатта, унга бундай майдонда тўпни етказиб беришяпти ва у тез югуриб гол урмоқда. Бундай майдонда кимгадир баҳо бериш мушкул. Тўғри, тезкор, иқтидорли футболчи. Лекин терма жамоада ўйнаш учун тажриба керак. Ҳисобга олиб қўямиз Убайдуллаевни. Агар Убайдуллаев Шомуродов ёки Абдуҳолиқовдан кучли бўлганида терма жамоага олган бўлар эдим.

- “Сўғдиёна” ОФК лицензия талабларини бажара олмабди деган гап юрибди. Шу сабаб шогирдларингиз хотиржамликка берилиб қолмадими?


- Воқеалар ривожидан илгарилаб кетишимиз керак эмас. Олдимизда учта ўйин турибди. Сўнгги ўйинлар биз учун қийин ўтмоқда. Биламан негалигини. Чунки, захира ўриндиғимиз у қадар катта эмас. Қолаверса, таркибимизда Олимпия терма жамоаси футболчилари кўп. Шу боис, жамоамизда қандайдир пасайиш кузатилди. Олдимизда узун танаффус турибди. Лекин Олимпия терма жамоасига номзод футболчиларимиз БААда ўтказиладиган турнирга кетишади. У ерда 13, 15, 17 ва 19 ноябрь кунлари ўйин ўтказишади. БААдан қайташганидан сўнг, 24 ноябрь куни “Навбаҳор” билан ўйинимиз бор. Энди ўзингиз тасаввур қилиб кўринг у футболчилар қандай аҳволда жамоамиз ихтиёрига қайтиб келишини. Бизда уларни ўрнини босадиган футболчилар йўқ.

- Фарруҳ Икромовни ўйинига қандай баҳо берасиз? Худди ўзи учун футбол ўйнаётгандек туюлмоқда.


- Бўйдоқ футболчи, тўп учун курашларда иштирок этиши учун бугун майдонга туширгандим. Унинг мен биладиган кучли тарафлари бор. Ўйлашимча, у бугун ёмон ўйнамади.


"Андижон" матбуот хизмати

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика