"B" guruhida Saudiya Arabistoni yoshlari KXDR ustidan 2:1 hisobida g'alabaga erishdi. Iroq esa Iordaniya bilan muroska ko'chasini tanladi - 0:0. Bu kvartetda Saudiya Arabistoni birinchi o'rin bilan, Iroq ikkinchi o'rin bilan keyingi bosqichga yo'llanmaga ega chiqdi.
"B" guruhi
Saudiya Arabistoni - KXDR 2:1
Gollar: Saad Haqavi 51, Tamer Al Haybari 85 - Xan Jae Yong 28.
Iroq - Iordaniya 0:0
Kecha "A" guruhida Avstraliya mezbon Xitoyni 2:1 hisobida taslim qilgan bo'lsa, Qatar qo'shnilarimiz Qirg'izistonni 4:0 hisobida tor-mor etdi. Bu guruhda Avstraliya birinchi, Xitoy ikkinchi o'rin bilan chorak finalga chiqqandi.
"A" guruhi
Xitoy - Avstraliya 1:2
Gollar: Kuai Jiven 29 - Medin Memeti 23, Lui Agosti 25.
Qirg'iziston - Qatar 0:4
Gollar: Tahsin Muhammad 28, Muaz Ibrohim 45+5, Muhammad Xolid 55, Nureldin Ibrohim 83.
Shunday qilib chorak finalning dastlabki ikki juftligi hosil bo'ldi:
Chorak final, 22 fevral
Avstraliya - Iroq
Saudiya Arabistoni - Xitoy
Eslatib o'tamiz, bugun Toshkent vaqti bilan soat 16:30dan boshlab O'zbekiston yoshlar terma jamoasi Eronga qarshi guruh g'olibini aniqlash uchun maydonga tushadi. Bu guruhdan keyingi bosqichga chiqqan ikki jamoa "D" guruhi vakillari bilan to'qnash kelishadi. "D" guruhida 2 ta turdan keyin Janubiy Koreya (6 ochko) peshqadam, Yaponiya (4 ochko) ikkinchi o'rinda, Suriya hisobida 1 ochko bor, Tailandda esa ochko yo'q.
