Manbaga ko'ra, Tuxelga qo'shib uning murabbiylar shtabi ham ishdan bo'shatiladi. Tuxel Premer-ligadagi eng katta maosh to'lanuvchi mutaxassislardan biri bo'lgani uchun u jami 13 mln funt miqdoridagi tovon pulini oladi. Uning shtabiga to'lab beriladigan 2 mln bilan qo'shib hisoblansa, "Chelsi"dagi bo'shatishlar jamoaning amerikalik egalariga 15 mln funtga tushdi.
"Ko'klar" "Maksimir" stadionida Zagrebning "Dinamo"siga kichik hisobda (0:1) mag'lub bo'lgan uchrashuvda klub egalari Todd Boeli va Behdad Eg'bali uchrashuvni bevosita stadiondan tomosha qilgan. Ular klub boshqaruvini qo'lga olganidan buyon oradan deyarli 100 kun o'tgan bo'lsa-da, jamoadagi muhit yomonligicha qolayotgani aytilgandi.
