Томас Парти "Атлетико" билан шартномасини узайтиради ва товон пули 100 млн еврога яқин бўлади

Клуб раҳбарияти хавбекнинг ҳозирги маошини ҳафтасига 130минг фунтга оширишмоқчи ва товон пулини 87,2 миллион фунт (100 миллион еврога яқин) этиб белгиламоқчи.

Айни дамда Партининг шартномасида уни 43 миллион фунт эвазига харид қилиш борасидаги банд бор.

Ганалик ўйинчининг "Атлетико" билан тузган амалдаги шартномаси 2023 йилнинг ёзига қадар мўлжалланган.

Хабарларга кўра, 27 ёшли ярим ҳимоячи Мадридда қолишга қарор қилган ва шартномани узайтириш борасидаги битим яқин кунларда якунланади.

Олдинроқ, Партининг "Арсенал"га ўтиши ҳақида хабарлар янграган эди.