UZ

Сўнгги янгиликлар

16:21ЎФА мутасаддилари Португалиянинг "Витория Гимарайнш" клуби академияси билан яқиндан танишишди  1 16:13ЕЧЛ. Бугун Роналду Мадридда, "Сити" Германияда меҳмон  7 15:58Икардининг хотини ўзи ҳақида ёзилган мақолани шармандалик деб атади  10 15:48“Металлург” футбол клубининг логотипи ўзгарди  12 15:44Olamsport: Шоҳжаҳон навбатдаги жанги ҳақида гапирди, Ломаченконинг рақиби расман маълум бўлди  2 15:26Ўзбекистон Суперкубоги учрашуви олдидан матбуот анжумани 22 февраль куни соат 17:30да бошланади  7 15:21Ўзбекистон аёллар олимпия терма жамоасининг Токио-2020 олимпиадаси 2-саралаш босқичи ўйинлари тақвими  2 15:20Сарри "Челси"ни тарк этса, клуб унга миллионлаб фунт тўлаб беради  8 15:06Фердинанд: "Ливерпуль" "Бавария"ни мағлуб этади"  14 14:40"Интер" "Барселона" футболчисини харид қилишга яқин турибди  16 14:38Спортчилар ижтимоий тармоқларда  3 14:20Терма жамоа бош шифокори Аброр Пирриев билан Игнатий Нестеровда аниқланган модда ҳақида суҳбат  6 14:13Иван Нагаев ва Саламат Қутибоев бу йилги мавсумни “Бухоро”да ўтказади  5 14:10"Челси" Зидан ва Лэмпард вариантларини кўриб чиқмоқда  11 14:08"Насаф": Мавсумий чипталарни харид қилинг  10

Кун воқеаси. Ачилбай Раматов - ЎФА президенти Янгиликлар

Кун воқеаси. Ачилбай Раматов - ЎФА президенти

Бугун Hyatt Regency меҳмонхонасида Ўзбекистон футбол федерациянинг навбатдан ташқари ҳисобот-сайлов конференцияси бўлиб ўтди.

Конференция бошида дастлаб ЎФФ юрисконсульти Фаррух Файзиев сўзга чиқиб, Ўзбекистон футбол федерацияси бундан буён Ўзбекистон футбол ассоциацияси деб номланишини маълум қилди. Лекин гап бу ҳақда эмас. Бизни номлар кўп ҳам қизиқтирмайди, бизга кўпроқ иш жараёни ҳамда ривожланиш муҳим.

Тадбирнинг асосий қисми барибир Ўзбекистон футбол ассоциациясига янги президент сайланиши бўлди. Буни сайловдан кўра тайинланув десак тўғрироқ бўлади. Негаки сайловда камида икки-уч нафар номзод кўрсатилади, улар ўз дастурларини тақдим этишади ва шундан сўнг сайлов ўтказилади.

Айтиш мумкинки, Ўзбекистон Республикаси Бош вазири биринчи ўринбосари Ачилбай Раматовнинг ЎФАга президент этиб тайинланиши шахсан давлатимиз раҳбари Шавкат Мирзиёев буйруғи билан юз берди. Бу ҳақда Ачилбай Жуманиязович ўз маърузасида айтиб ўтди. Маълумки, бунгача ЎФФ президенти бўлиб ишлаб келган Умид Аҳмаджонов 16 январь куни Миллий олимпия қўмитасига президент этиб тайинланганди.

Шу боис Аҳмаджоновнинг футбол федерацияси раҳбарлигидаги иши нима бўлиши сўроқ остида қолганди. Орадан бир ҳафтадан сал кўпроқ вақт ўтиб бу борадаги саволларга жавоб топилди. Натижада навбатдан ташқари конференция ташкил этилиб, футбол жамоатчилиги бундан буён ЎФАни ким бошқаришини билиб олди.

Шу ўринда савол туғилиши мумкин: нега айнан Раматов? Бу саволга жавоб бериш кўп ҳам мураккаб эмас. Ҳар ҳолда ўзбек спортини кузатиб борадиганлар Раматовнинг нечоғли спортга, хусусан футболга қизиқишини жуда яхши билишади. Бугунги кунда Ўзбекистон Республикаси Бош вазири биринчи ўринбосари ҳамда "Ўзбекистон темир йўллари" акциядорлик жамияти раиси бўлиб ишлаб келаётган Ачилбай Жуманиязович шу қаторда Бокс федерацияси президенти ҳам ҳисобланади.

Раматов спортнинг бокс соҳасини бошқариш орқали катта юуқларга эришди ва қисқа вақт ичида муҳтарам Президентимиз эътиборини қозонди дея оламиз. Биргина Рио-2016 Олимпиада ўйинларида боксчиларимизнинг иштирокини бир эсланг-а. Мусобақада еттита медал (учта олтин, иккита кумуш ва иккита бронза) олишимизнинг ўзиёқ ўзбек спорти тарихида жуда катта воқелик бўлганди.

Ачилбай Жуманиязович футболга ҳам бефарқ эмас. Тошкентнинг "Локомотив" клуби шу даражага етишида у кишининг кўп меҳнати сингган. Раматов имкон қадар "Локомотив" иштирокидаги ҳар бир учрашувни кўриб бошқаришга ҳаракат қилади, Осиё чемпионлар лигаси баҳслари ҳақида-ку гап-сўз бўлиши мумкин эмас.

Албатта, биз жуда яхши тушуниб турибмиз, Ачилбай Раматовнинг футболдан ташқари ишлари ниҳоятда кўп. Айтайлик, шу бир йил ичида қилиниши керак бўлган 1700та лойиҳа, 350 минг нафар одамни иш билан таъминлаш ва ҳоказо. Лекин Президентимиз Шавкат Мирзиёев унга ишонч билдиргани учун ЎФА раҳбарлигини қабул қилиб олди.

Футбол спорт турлари орасида алоҳида бир соҳа эканлигини ҳаммамиз яхши биламиз. Футбол Ўзбекистонда аллақачон халқ ўйини мақомини олган, одамларнинг кўнглига чуқур кириб борган. Шу боис футболни ҳар куни назорат қилиб боришга ва таҳлил қилишга тўғри келади. Бироқ буларнинг ҳаммасига Раматовнинг вақти бўлармикан?

Шу боис ҳам Ачилбай Жуманиязович учун ҳозир энг муҳими ЎФФ ва ПФЛнинг энг асосий бўлимларига керакли, шу билан бирга футболни яхши тушунадиган кадрларни қўйиш бирламчи вазифа деган фикрдамиз. Айниқса, ПФЛ Бош директорлиги масаласи кўриб чиқмаса бўлмайдиган ҳолатга келиб қолди, чунки биз кўряпмизки, ПФЛ спорт принциплари ва регламент қоидаларини бир четга суриб қўйган ҳолда ҳар ҳафта нимадир янгилик ўйлаб топяпти, бу эса мухлисларнинг кимга ишонишни билмай қолишига олиб келяпти.

Сўзимиз охирида ЎФА янги президенти Ачилбай Жуманиязович Раматовга футбол соҳасида ҳам омад тилаб қоламиз.

Муаллиф : Xayrulla Xoliqov
Рейтинг: +21   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг