Суперлига. Тур мураббийи - Улуғбек Бақоев
16 июн 2020 14:11
Янгиликлар

Суперлига. Тур мураббийи - Улуғбек Бақоев

Узоқ танаффусдан кейин қайта бошланган Coca Cola Суперлигада 4-тур учрашувлари ўз ниҳоясига етди.

Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб бораяпмиз.

Суперлига. Тур ўйини - "Насаф" - "Навбаҳор"

Сўғдиёна

Шохруз Норхонов - 50'

Суперлига. 4-тур

14/06/2020, 18:00

Тугади

Пахтакор

45'

90'

Матч-центрда очиш

Ортда қолган 4-турнинг энг яхши мураббийи деб "Сўғдиёна" устози Улуғбек Бақоев топилди. Жиззахликлар ўз майдонларида амалдаги чемпион ва шу тур олдидан "Насаф" билан бирга пешқадамлик қилиб турган "Пахтакор"ни қабул қилишди. Кўпчилик беллашув олдидан "шерлар"нинг ғалабасини кутган бўлса ажаб эмас. Зеро, ўйинчиларнинг даражаси ва таркибнинг кенглиги борасида "Пахтакор" рақибидан анча устун эди. Лекин, Бақоев жорий мавсум ҳали ғалаба қозонмаган шогирдларини айни пайтда юртимиздаги энг кучли клубга қарши аъло даражада тайёрлай олди. "Сўғдиёна" шу куни тасодифий ғалабага эришмади. Балки, 3 очкога мутлақ ҳақли бўлди ва муносиб ғалабани қўлга киритди.

Шу тариқа, жуда кучли таркибга эга бўлган "Пахтакор"ни мағлуб этган Улуғбек Бақоев 4-турнинг энг яхши мураббийи деб топилди.

Қизиғи, Бақоев 2018 йилнинг 6 апрелида "Бухоро" билан ҳам "Пахтакор"ни ўз майдонида айнан 1:0 ҳисобида мағлуб этганди. Демак, Бақоев 3 йил ичида иккинчи бор Арвеладзени енгмоқда.

Эслатиб ўтамиз, 4-турдан кейин "Сўғдиёна" 4 очко билан 11-ўринга кўтарилди.