Турнир регламентига мувофиқ, икки ва ундан ортиқ қатнашчи тўплаган очколар тенг бўлиб қолса, уларнинг ўрни қуйидаги кетма-кетлик бўйича аниқланиши кўзда тутилган:
• ўзаро учрашув(лар) натижасига кўра;
• ўзаро учрашувларда олинган очколар натижасига кўра;
• ўзаро учрашувларда урилган ва ўтказиб юборилган тўплар фарқига кўра;
• барча учрашувларда урилган ва ўтказиб юборилган тўплар фарқига кўра;
• барча учрашувларда урилган тўплар сонига кўра;
• барча учрашувларда рақиб майдонида урилган тўплар сонига кўра;
• барча учрашувларда эришилган ғалабалар сонига кўра;
• барча учрашувларда учралган мағлубиятлар сонининг акс таъсирига кўра;
• барча учрашувларда сафар ўйинларида эришилган ғалабалар сонига кўра;
• барча учрашувларда уй ўйинларида учралган мағлубиятлар сонининг акс таъсирига кўра.
Суперлиганинг жорий мавсумида охирги турдан сўнг учта клуб — "Навбаҳор", "Сўғдиёна" ва "Нефтчи" клублари 43 очкодан жамғарди.
Регмалентга мувофиқ, бу ҳолда дастлаб ўзаро учрашувлар натижаси инобатга олинади:
"Сўғдиёна" — "Навбаҳор" 1:2
"Навбаҳор" — "Нефтчи" 1:0
"Навбаҳор" — "Сўғдиёна" 0:3
"Нефтчи" — "Сўғдиёна" 0:3
"Сўғдиёна" — "Нефтчи" 1:2
"Нефтчи" — "Навбаҳор" 2:2
Уч клубнинг ўзаро ўйинларида "Навбаҳор" — 7, "Сўғдиёна" — 6, "Нефтчи" 4 очко жамғарди.
Демак, "Навбаҳор" учинчи, "Сўғдиёна" тўртинчи, "Нефтчи" эса бешинчи ўринга жойлашади.
