UZ

Сўнгги янгиликлар

08:04Вальверде: “15 кун илгари требл ҳақида ўйлаётгандик. Аммо...”  1 07:45Мюллер: “Бавария” ирода кучини намойиш этди”  4 07:30U-20 Аргентина - Жанубий Африка 5:2  0 07:25U-20 Франция - Саудия Арабистони 2:0  0 07:20U-20 Панама - Мали 1:1  0 07:15U-20 Португалия - Жанубий Корея 1:0  0 04:45"Барселона" - "Валенсия" 1:2  11 04:40"Болонья" - "Наполи" 3:2  0 04:35"Лейпциг" - "Бавария" 0:3  0 03:43Olamsport: Россиялик хоккейчилар ЖЧ ярим финалида ўйнашди, ногиронлар аравачасидаги Серена ва бошқа хабарлар  0 03:30Спортчилар ижтимоий тармоқларда  1 02:06Испания Кубоги: "Валенсия" 100 йиллик юбилейида "Барселона"ни финалда доғда қолдириб совринга эга чиқди  80 01:12"RRR"нинг "Бавария"даги сўнгги расмий баҳсида мюнхенликлар финалда ғалаба қозонишди ёхуд афсоналар совринлар билан кузатилмоқда  14 23:51«Арсенал» Озарбайжонга 24 футболчи билан етиб борди  13 23:27Рамос "Реал"дан кетмоқчи, унинг ўрнига "Челси" ҳимоячиси келиши мумкин  15

Суперлига клублари академиялари ва болалар мактаблари мутахассислари Японияда тажриба оширишади Янгиликлар

Суперлига клублари академиялари ва болалар мактаблари мутахассислари Японияда тажриба оширишади

Ўзбекистон футбол Ассоциацияси томонидан ўзбек футболини юқори босқичга олиб чиқиш учун бир қатор ислоҳотлар амалга оширилмоқда.

Асосий урғу футбол бошқарувидаги кадрлар масаласига эътибор бериш, ташкилотнинг шаффофлигини ошириш, ошкораликни таъминлаш, миллий чемпионат тизимини тубдан янгилаш, янги таҳрирдаги Регламентга кўра клубларга нисбатан талабларни кучайтириш қаторида, футболи ривожланган хорижий мамлакатлар тажрибасидан фойдаланишга қаратилмоқда.

Шу мақсадда Ўзбекистон футбол Ассоциацияси биринчи вице-президенти Умид Аҳмаджонов қисқа муддат ичида БАА, Қатар, Япония, Жанубий Корея, Франция, Испания каби  қатор мамлакатларга сафар уюштириб, улар билан ҳамкорлик бўйича келишувга эришишга, меморандумлар имзолашга муваффақ бўлди.

Дастлабки сафарларидан бири ўтган йилнинг ноябрь ойида Японияга уюштирилганди.   Умид Аҳмаджоновнинг  Токио шаҳрида Япония Футбол Ассоциацияси Президенти Ташима Кодзо билан расмий учрашуви чоғида  Ўзбекистон ва Япония  Футбол Ассоцияциялари ўртасидаги ҳамкорлик ва алоқаларни мустаҳкамлаш бўйича келишувга эришилди. Ушбу келишув асосида ҳар икки мамлакатнинг турли ёшдаги терма жамоалари ўртасида ўртоқлик ўйинларини ўтказиш, ўзига хос мусобақалар ва мавсумий йиғинларни ташкил этиш, ЎФА ва ЯФА терма жамоалари мураббийлари ўртасида тажриба алмашиш, шунингдек, икки давлат футболи  мураббийлари ва тиббиёт ходимлари учун ўқув семинарлари ташкил этиш, футбол академияси мураббийлари ва бошқарув ходимлари ўртасида билим ва тажрибаларни алмашиш, болалар футболи бўйича мураббийлик курсларини ташкил этиш борасидаги ишларни йўлга қўйиш кўзда тутилганди.

Меморандумга жавобан шу йилнинг 7-12 февраль кунлари Японияда Ўзбекистон Суперлигасида иштирок этаётган клубларнинг маркетинг бўйича мутахассислари учун семинар ташкил этилиши режалаштирилган. Семинар давомида Жей-лига мутахассислари томонидан миллий чемпионатимиз клублари маркетинг мутахассислари учун назарий ва амалий машғулотлар ўтказилади. Шунингдек, маркетинг бўйича мутахассислар Жей-лигада маркетинг, ҳомийларни жалб қилиш бўйича олиб борилаётган чора-тадбирлар ҳақида маълумот олишади.

Қайд этиш лозимки, Япония Жей-лигасида маркетинг соҳаси ривожланган бўлиб, Жей-лига биргина 2017 йил давомида жами 240 миллион АҚШ доллари миқдорида ҳомийлик маблағларига эга бўлган. Семинарни ташкил этишдан кўзланган мақсад клубларимиз вакиллари учун ўз соҳалари бўйича билимларини ошириш, хориж тажрибасини ўрганиш ва ўрганганларини ўз клубларида татбиқ қилишдан иборат.

ЎФА ва Жей-Лига ўртасидаги муносабатлар шу билангина чегараланиб қолмайди. Икки давлат Футбол Ассоциацияларининг келишувидан ўрин олган яна бир тадбир шу йил март ойининг дастлабки ўн кунлигида ташкиллаштирилиши мўлажалланмоқда.

4-11 март кунлари мамлакатимизда болалар футболи бўйича фаолият олиб бораётган футбол Академиялари ва футбол мактаблари мутахассислари, малакали болалар мураббийларининг бир гуруҳи Японияга сафар этиши режалаштирилмоқда. Мақсад, юртимизда болалар футболи ва оммавий футболни ривожлантириш бўйича Япония тараққиёт моделини ва тажрибасини Ўзбекистонда татбиқ қилиш, юртимиздаги болалар мусобақалари ва футбол тадбирларида селекция ишларини такомиллаштиришда Япония мамлакати тизимидан фойдаланишдан иборат.

Мазкур сафар билан боғлиқ масалалар бўйича Япония Футбол Ассоциациясида махсус ишчи гуруҳ тузилди. Ассоциациянинг халқаро алоқалар бўлими мутахассиси, ўзбекистонликлар делегациясига масъул ходим Томо Сугияма ўзбекистонликларнинг Япониядаги ташрифи дастурини ишлаб чиқди.

Унга кўра, делегациямиз аъзолари 7 март куни Жей-Лига учрашувларидан бирини томоша қилишлари, 8 март куни япониялик малакали мутахассислар семминарларида иштирок этишлари, Жей-Лига майдонида ўтадиган Япония U-14 терма жамоаси машғулотларини кузатишлари, 9-10 март кунлари ҳудди шундай тадбир U-15 ва U-18 термалари иштирокида давом этиши, 10 мартда эса семинар ҳамда Жей-Лига ўйинлари учрашувларини томоша қилиш белгиланган. Шунингдек, ўзбекистонлик делегациянинг таклиф ва саволлари бўйича ҳам режалар тузиш имконияти борлиги маълум қилинган.  


Рейтинг: +8   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг