Yaxshi dam mehnatga hamdam. Lekin bu kimga foyda? Buni tez orada bilib olamiz.
"Surxon" - "Qizilqum"
- "Qizilqum" o'z tarixida mehmonda hali "Surxon"ni mag'lub eta olmagan. "Surxon" o'zaro o'yinlarda uyda navoiyliklarga qarshi 9 marotaba maydonga chiqqan va 7ta uchrashuvda g'alabani begona qilmagan, 2ta o'yinda durang qayd etilgan.
- "Qizilqum" 19 yildan beri "Surxon" darvozasiga yo'l topa olayotgani yo'q. So'nggi bor "oltin izlovchilar" 2004 yil termizliklar posbonini ranjitgan (1:2)
- "Qizilqum" Superligada ikkinchi davrada hali g'alaba qozongani yo'q, 4 mag'lubiyat, 1 durang.
- "Surxon" bu mavsum uyda ochko jamg'arish bo'yicha kuchli uchlikda ketmoqda. Termizliklar 9ta uchrashuvning 6tasini o'z foydasiga hal qilgan, 1ta o'yinda durang, 2ta uchrashuvda mag'lubiyatga uchragan.
- "Qizilqum" bu mavsum Superligada mehmonda g'alaba qozonmagan yagona jamoa bo'lib turibdi. Ko'rsatkich shunchaki daxshatli: 2 durang, 7 mag'lubiyat, 1-15. Jamaoa safarda faqat "Paxtakor"ga gol urgan.
- Birinchi davradagi uchrashuvda g'olib nomi aniqlanmagan (0:0).
"Andijon" - "Navbahor"
- "Andijon" o'z maydonida 7 yildan beri "Navbahor"ni mag'lubiyatga uchrata olayotgani yo'q. "Burgutlar" so'nggi marotaba 2016 yil Ro'zimboy Ahmedovning yagona goli evaziga g'alaba qozongan.
- Aleksandr Xomyakov shogirdlarining uydagi mag'lubiyatsiz seriyasi 5taga etgan. Jamoa oxirgi marotaba 5 may kuni "So'g'diyona"ga uch ochkoni sovg'a qilgan.
- "Navbahor" Superligada 4ta o'yindan buyon maydonni g'alabasiz tark etmoqda. "Lochinlar" so'nggi bor Superligada 30 iyul kuni 14-turda "Qizilqum"ni mag'lub etgan.
- Aleksandr Xomyakov bosh murabbiy sifatida "Navbahor"ni so'nggi marotaba 2017 yil "Mashal" ustozi sifatida taslim qilgan (2:1).
- Jamoalarning birinchi davradagi o'yinida "lochinlar"ning qo'li baland kelgan (1:0)
OKMK - "Metallurg"
- Olmaliqliklar 2 yildan buyon "Metallurg"dan 3 ochko tortib olishni uddasidan chiqmayapti. Ushbu jamoalar o'rtasida o'tgan so'nggi 3 o'yinning barchasi bekobodliklar foydasiga hal bo'lgan.
- "Metallurg" mehmondagi so'nggi 4ta o'yinning 3tasida mag'lubiyatga uchragan.
- Olmaliqda bu jamoalar o'rtasida muxlislar doim gol guvohiga aylanishgan va 0:0 hisobi qayd etilmagan.
- OKMK o'z maydonidagi o'zaro uchrashuvlarda katta ustunlikka ega, 11 g'alaba, 2 mag'lubiyat, 2 durang.
"So'g'diyona" - "Paxtakor"
- "Paxtakor" 2019 yildan buyon Jizzaxdan ortga g'alabasiz qaytmoqda.
2020. "So'g'diyona" - "Paxtakor" 1:0
2021. "So'g'diyona" - "Paxtakor" 1:0
2022. "So'g'diyona" - "Paxtakor" 2:2
Bu oraliqda jamoani Piter Xyuistra, Slavche Voyneski va Maksim Shackix boshqarishga ulgurdi.
- "Paxtakor" bu yil mehmonda eng ko'p ochko qo'lga kiritgan jamoa hisoblanadi va bu formatda ham jamoa yetakchilikni qo'lga olgan. Natijalar: 7 g'alaba, 1 durang, 1 mag'lubiyat, to'plar nisbati 16-8, 22 ochko. Raqib maydonidagi yagona mag'lubiyat 2-turda "Neftchi"dan qabul qilib olingan.
- Ivan Boshkovich murabbiy sifatida "Paxtakor"ga qarshi 3 marotaba jamoasini maydonga boshlab tushgan va 3tasida ham mag'lubiyatga uchragan. Demak chernogoriyalik murabbiy ishlagan jamoalarida "sherlar"ni taslim qila olgani yo'q.
"Nasaf" - "Bunyodkor"
- "Bunyodkor" 2018 yildan buyon Qarshida g'alaba qozona olmayapti. Bu borada Mirjalol Qosimov "Nasaf"ni safarda yutgan so'nggi "qaldirg'och" bo'lib turibdi.
2019. "Nasaf" - "Bunyodkor" 3:1
2020. "Nasaf" - "Bunyodkor" 2:2
2021. "Nasaf" - "Bunyodkor" 5:0
2022. "Nasaf" - "Bunyodkor" 1:1
- Poytaxt klubi "Nasaf" bilan o'yinlardagi so'nggi g'alabasini 2021 yil o'z maydonida Shuhrat Maqsudov murabbiyligida nishonlagan (2:0).
- "Nasaf" o'z maydonida 8ta o'yindan beri mag'lubiyatga uchramayapti. "Andijon" "ajdarlar"ni safarda taslim qila olgan yagona jamoa bo'lib turibdi.
- Rahimbek Karimov bu yil "Bunyodkor" - "Nasaf" o'rtasidagi 2-o'yinda ham ishlaydi. Jamoalarning birinchi davradagi o'yinida u bosh hakam sifatida uchrashuvni boshqargan bo'lsa, 24 sentyabr kuni bo'ladigan o'yinda VARda ishlaydi.
