"Men doim tanqid bilan kurashganman. 18 yoshimda "Nasonal" safida debyut qilganimda, imkoniyatlarni qo'ldan boy berganim uchun tanqid qilishgan... Niderlandiyada menga semizsan deb aytishardi. "Liverpul"da esa intizom yo'qligidan nolishardi. Keyinchalik, "Barselona"da esa yomon seriya paytida tanqidga uchraganman", – dedi Suares.
38 yoshli urugvaylik futbolchi Yevropada "Groningen", "Ayaks", "Liverpul", "Barselona" va "Atletiko" jamoalarida o'ynagan. Faoliyati davomida klub darajasidagi barcha musobaqalarda 857 o'yinda 515 ta gol urgan va 278 ta golli uzatmani amalga oshirgan.
