25 июл 10:45
Янгиликлар

Шукур Жумабоев "Олмалиқ" йиғинига қўшилди

Игорь Шквирин бошқарувидаги "Олмалиқ" жамоаси айни пайтда Тошкентда йиғин ўтказмоқда.

Айтишларича, жамоа иккинчи даврада юқори ўринлар учун курашишни ўз олдига мақсад қилиб қўйган. Шунга мос равишда тайёргарлик ҳам юқори савияда олиб борилмоқда. Олдин хабар бериб ўтганимиздек, жамоа машғулотларига Шўртандан икки ярим ҳимоячи Обид Жўрабоев билан Дилявер Абибулллаев келиб қўшилганди. Ундан ташқари Қизилқум ҳужумчиси Олим Навкаров ҳам иккинчи даврада Шквирин қўли остида тўп суришга жуда яқин турибди.

Олмалиқда селекция жараёни бу билан тўхтаб қолгани йўқ. Боиси клуб матбуот хизматининг сайтимизга маълум қилишича, куни-кеча жамоанинг ўқув йиғин машғулотларига Нефтчидан Шукур Жумабоев келиб қўшилган. Биринчи даврани Шўртанда ижара асосида ўтказган ушбу ярим ҳимоячи охирги пайтларда Нефтчи машғулотларида иштирок этиб келаётганди.

"Олмалиқ" Чирчиқда йиғин ўтказаётган "Металлург" билан кеча ўртоқлик учрашувида куч синашиб 5:2 ҳисобида ғалаба қозонди. Жамоанинг голларига: Зафар Полвонов (2та), Шаҳбоз Эркинов, Санжар Шоаҳмедов, Маъмур Абдуллаев муаллиф қилди.

Исломбек Рустамбеков

Ҳавола :

Манба : championat.asia

Энди янгиликлар телефонингизга келади. Телеграмдаги каналимизга улансангиз бўлгани.

Рейтинг: