Ўтган йилнинг июль ойида "Шўртан" футбол клубининг Ғузордаги қароргоҳи COVID-19 билан касалланган беморларни даволаш учун захира ўринлари сифатида ковид марказига айлантирилган эди. Ортда қолган давр мобайнида мазкур қароргоҳ таъмирталаб аҳволга келиб қолган, аммо бўш турган бўлса-да клуб тасарруфига қайтариб берилмаяпти.
Маълум бўлишича, "Шўртан"нинг асосий таркиби айни пайтда клуб академиясининг ётоқхонасига жойлаштирилган. Бу ҳолат жамоага 2022 йилги лицензиялаш талабларини бажариш учун ҳалақит бермоқда.
