PFL kecha 24-tur uchrashuvlarini boshqaradigan hakamlar brigadasini e'lon qildi. Unga ko'ra, "Sho'rtan" - "Buxoro" bahsiga Ravshan Ermatov bosh hakam etib tayinlangandi. Ammo oradan ko'p o'tmay, uchrashuv bosh hakami o'zgargani ma'lum qilindi. Bu haqda "Sho'rtan" rasmiy sayti xabar tarqatdi.

"10 oktyabr kuni Sidneyda bo'lib o'tgan Avstraliya va Suriya terma jamoalari o'rtasidagi JCH-2018 saralashining pley-off bosqichi javob uchrashuvini boshqargan Ermatov jarohat oldi. Shu sababli, “Sho'rtan” – “Buxoro” uchrashuviga bosh hakam etib tayinlangan Ravshan Ermatov o'rniga jamoamizning 24-tur doirasidan o'rin olgan bahsini boshqarish Viktor Serazetdinovga topshirildi", deya yozadi klub sayti.

Shunday qilib, G'uzordagi o'yinni quyidagi hakamlar boshqarib borishadi.

Oliy liga. 24-tur. 14.10.2017 yil.
Sho'rtan (G'uzor) – Buxoro (Buxoro)

Bosh hakam: Viktor Serazetdinov (Toshkent)
Qanot hakamlari: Abduhamidullo Rasulov va Jahongir Saidov (ikkalasi ham Toshkent shahridan)
Zaxira hakami: Jasur Muxtorov (Toshkent)
Nazoratchi: Sardor Nadjafaliev (Toshkent).
O'zPFL vakili: Roman Chernikov

Eslatib o'tamiz, 14 oktyabr kuni G'uzor “Markaziy” o'yingohida bo'lib o'tadigan “Sho'rtan” – “Buxoro” uchrashuvi soat 16:45da start oladi.

"Sho'rtan" - "Buxoro" uchrashuvida Ravshan Ermatov ishlamaydi