- Фурсатдан фойдаланиб, мухлисларни, жамоадошларимни ва мураббийларни ғалаба билан табриклайман. Бугун бош мураббийимизнинг туғилган куни эди. Бу орқали унга яхши совға бердик дея оламан. Ўйин қийин бўлишини билардик. Характер намойиш қилиб, натижага эришдик.
- Маълум муддат легионер сифатида ўйнадингиз. Хориждаги фаолиятдан кейин юртимиз чемпионатига мослашиш қийин кечмадими?
- Йўқ. Мавсум энди бошланди. Лекин мен ҳеч қандай қийинчилик сезаётганим йўқ. Бундан олдин ҳам Суперлигада айнан ушбу мураббий қўл остида ўйнаганман. Ҳозирча ҳаммаси яхши. Бундан кейин ҳам шу руҳда давом этаман.
- 1-турда бурчак зарбасидан кейин ўз ҳисобингизга гол ёзиб қўйдингиз. Бугун ҳам айнан бурчак зарбасидан кейинги зарба орқали гол урилди. "Бухоро"нинг асосий қуроли сифатида бурчак зарбасини келтирса бўладими?
- Стандарт аслида асосий қурол деб ўйлайман. Лекин ўйинимиз стандартлар учун қурилмаган, шунчаки ўйинимизнинг бир қисми.
