UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  9 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

"Шердор" ва "Иттифоқ Навоий" футбол клублари Ўзбекистон профессионал футбол лигаси қатнашчилари сафидан чиқарилди Янгиликлар

"Шердор" ва "Иттифоқ Навоий" футбол клублари Ўзбекистон профессионал футбол лигаси қатнашчилари сафидан чиқарилди

Ўзбекистон профессионал футбол лигаси Ижроия қўмитасининг 2020 йил 30 июндаги 04-сонли йиғилиш баёнига асосан “Шердор” ва “Иттифоқ Навоий” футбол клублари белгиланган талабларни бажармаётгани ҳамда қатнашчилик бадали ва бошқа тўловларни ўз вақтида тўламагани учун Ўзбекистон Профессионал футбол лигаси қатнашчилари сафидан чиқарилди.

“Шердор” футбол клуби 2018 йилда, “Иттифоқ Навоий” футбол клуби эса 2019 йилда Про-лигада иштирок этиши учун шартли равишда қабул қилинган бўлиб, бунда клублар раҳбариятининг ўша вақтда ЎзПФЛ томонидан қўйилган талабларни бажариш юзасидан берган ваъдалари  муҳим ўрин тутган эди. Бироқ, ҳозирга қадар мазкур футбол клублари ўз мажбуриятларини бажаргани йўқ. 

Ўзбекистон Профессионал футбол лигаси жорий йилнинг январь ойида Про-лигада иштирок этувчи футбол клубларининг умумий иш фаолияти, ижро интизоми ҳамда регламент талабларининг бажарилишини ўрганиш мақсадида Ишчи гуруҳ ташкил қилганди. Бунда “Шердор” футбол клубининг фаолияти ўрганилган. Ўрганишлар жараёнида футбол клубининг молиявий-ҳисоб фаолияти тўлиқ юритилмаслиги, 2020 йилги харажатлар сметаси тасдиқланган бўлса-да молиялаштириш манбаларининг мавжуд эмаслиги аниқланган.

“Шердор” футбол клубида молиявий ҳолатнинг яхши эмаслиги, қарздорликлар бартараф этилмагани, қатнашчилик бадали ҳатто ўтган мавсум учун ҳам тўлиқ тўланмагани, молиявий-ҳисоб фаолияти талаб даражасида юритилмаслигидан келиб чиқиб, ЎзПФЛ унинг келгуси фаолиятига шубҳа билан қарайди. Аслида “Шердор” футбол клубининг 2020 йил 24 февралдаги 07-сонли мурожаат хатига асосан, футбол клубига жорий йилнинг 1 апрелига қадар вазиятни ўнглаш учун муддат берилган ҳамда шартли равишда Биринчи лига иштирокчиси сифатида рўйхатдан ўтишига рухсат берилганди.  Шундай бўлсада, “Шердор” футбол клуби кетма-кет кафолат хати ёзиш билан чекланди холос. Аслида эса клублар аввал қатнашчилик бадалини тўлаб, сўнг мусобақада иштирок этиши керак. ЎзПФЛ эса бу борада клубларга доим имконият яратиб беради. Аммо ўтган йиллардан ҳам қарздор бўлган клубларнинг мусобақада давом этиши, Мусобақалар ўтказиш регламентининг бузилиши ҳисобланади. ЎзПФЛ бундай клубларга вазиятни чигаллаштирмай, Иккинчи лига мусобақасида фаолиятини давом эттиришни тавсия қилади. 

Шу билан бирга, “Иттифоқ Навоий” футбол клуби ҳам ўтган йилги мавсумда чемпионатда муносиб иштирок этмагани, регламент талабларини тўлиқ бажармаётгани, қатнашчилик бадали юзасидан “Шердор” футбол клубидаги каби қарздорликлар мавжуд эканидан келиб чиқиб, Иккинчи лига учун тавсия этилади. “Шердор” ва “Иттифоқ Навоий” футбол клублари қатнашчилар сафидан чиқарилгани учун мазкур футбол клублари ва уларнинг футболчилар билан меҳнат шартномалари муддатидан олдин бекор қилингудек бўлса, футболчиларнинг ЎзПФЛ мусобақаларида иштирок этувчи бошқа футбол клублари билан имзолаган меҳнат шартномалари рўйхатдан ўтказиб берилади.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика