Рим клуби яна бир муҳим футболчидан айрилиши мумкин - ҳужумчи Чиро Иммобиле. Журналист Турки Альгамдининг ёзишича, номи ошкор этилмаган Саудия Арабистони клуби 33 ёшли футболчига йилига 15 миллион евро маош ва 5 миллион евро бонус таклиф қилмоқда.
"Лацио" президенти Клаудио Лотито Милинкович-Савичнинг кетишини ҳисобга олиб, Иммобилени қўйиб юбормаслиги мумкин. “Бургутлар” келаси мавсум Чемпионлар лигасида иштирок этади.
Чиро Иммобиленинг "Лацио" билан амалдаги шартномаси 2025/2026 йилги мавсум охиригача амал қилади.
