UZ

Сўнгги янгиликлар

07:10Европа лигаси. “Боруссия Д”, “Милан”, “Арсенал” кейинги босқичда ва бошқа натижалар   1 01:46Европа лигаси. Кокорин тўпурарлар баҳсида 2-поғонага кўтарилди  1 01:16Европа лигаси. “Зенит”, “Динамо”, “Лион”, “Лацио”, “Спортинг”, “Атлетико” кейинги босқичда, “Наполи” эса...  21 00:55Сёмин Еврокубокларда 50-ғалабага эришди  2 00:44Манчини “Зенит”ни тарк этадими?  3 23:52“Манчестер Юнайтед” YouTube тармоғида расмий каналини ишга туширди  6 23:26Европа лигаси.”Локомотив” яна “Ницца”ни таслим этди ва нимчорак финалга йўл олди  17 23:07Неймарнинг ПСЖга ўтишига ёрдамлашган агент энди Левандовски билан ишлайди  9 22:55“Бордо” ҳужумчиси симуляцияси учун дисквалификация қилинди  5 22:35Жерар Пике индивидуал машғулот ўтказди  3 21:57"Барселона"нинг 2018/19 йилги мавсум учун либоси (ФОТО)  38 21:56Olamsport: "Мерседес"нинг янги болиди суратлари тарқалди, дзюдо бўйича мамлакат чемпионатида ғолиб ва совриндорлар аниқланди   0 21:55“Сўғдиёна” ёшлари назорат учрашувида йирик ҳисобда ғалаба қозонди  8 21:41"Нефтчи" Ногиронлар, қариялар ва болалар уйига ташриф буюрди (ФОТО)  13 21:28ОАВ: "Милан" ноябрда Конте билан музокараларни бошлайди  10

Сардор Мирзаев: “Мухлислар ишончини оқлаймиз” Янгиликлар

Сардор Мирзаев: “Мухлислар ишончини оқлаймиз”

Биринчи даврани омадсиз ўтказган “Нефтчи” иккинчи даврага Тошкентда тайёргарлик кўрмоқда.
Биз фурсатдан фойдаланиб, жамоа аъзоси Сардор Мирзаев билан суҳбатлашдик. Айтишимиз лозим, Сардор “Шўртан”га қарши сафардаги баҳсда ўз дубли билан “Нефтчи”га ғалаба келтирди. 

- Cардор, мавсумни омадсиз тарзда ўтказаётган "Нефтчи"нинг биринчи даврадаги ўйинлари ҳақида гапириб ўтсангиз.
- Чемпионатни ёмон бошлагандик дея олмайман. Ҳаммаси режа асосида кетаётганди. Бироқ ўз уйимизда “Металлург”га имкониятни бой бериб қўйганимиздан кейин бизни омад очиқчасига тарк этди. Шундан сўнг жамоамизни омадсизлик қуршаб олди. Қолаверса, “Пахтакор”га ҳам ютқаздик. Кетма-кет мағлубиятлар бизни тушкунликка тушириб қўйди. Шу тушкунликдан чиқиб кетишимиз қийин бўлди. Натижада турнир жадвалида ўзимизга мос бўлмаган поғонадан жой олдик.

- Биринчи даврадаги омадсизликнинг асл сабаби нима билан боғлиқ? Фақат тушкунликми ёки бошқа сабаблар ҳам борми? 
- Бу ҳам қайсидир маънода сабаб, аммо ўша тушкунликка омадсизлик туфайли тушиб қолдик. Аслида айрим беллашувларда омад бизни тарк этмаганида бугун сиз билан бу мавзуда гаплашмаётган бўлардик. Ўйлашимча, биринчи даврада “Нефтчи”га омад кулиб боқмади. Айрим баҳсларда тайёр ғалабани қўлдан чиқарганимиз сўзимга исбот бўла олади.

- Айнан қайси ўйинлардаги мағлубиятларни назарда тутяпсиз?
- Жиззахда “Сўғдиёна”га қарши баҳсда тайёр ғалабани қўлдан чиқардик. Гарчи сафарда ўйнаётган бўлсак-да, биринчи голни биз ургандик, бироқ учрашув якунига қадар ўз дарвозамиздан иккита тўп олиб чиқдик. Натижада ғалаба мағлубиятга айланиб кетди. Шахсан менга мазкур мағлубият роса алам қилганди.

- Янги мураббийларнинг иш услубига кўникиш қандай кечмоқда?
- Ҳар қандай мураббийнинг ўз иш услуби бор. Табиийки, футболчилар бунга мослашишлари шарт. Бизда бошида озгина қийинчилик бўлди. Ҳар ҳолда кўп йиллар бир услубда тўп сурганмиз. Лекин бора-бора янги устозларимизнинг иш услубига ҳам кўникиб қолдик. Айни кунларда Тошкентда йиғин ўтказяпмиз. Бу йиғин давомида Амет Мемет бошчилигидаги устозларимизнинг услубига янада мослашиб қоламиз, деб ўйлайман.

- Сардор, холис айтингчи, "Нефтчи" бу йил нечанчи ўринлар учун кураша олади?

- Ўйлашимча, иккинчи даврада ўйинмизни яхшилаб, ғалабаларимиз сонини оширсак, бемалол кучли олтиликдан жой оламиз.

- "Нефтчи" мухлисларига иккинчи давра олдидан нима дея оласиз?
- Ишқибозларнинг ишончини оқлашга ҳаракат қилишда давом этамиз. Улардан бизни иккинчи даврада ҳам қўллаб-қувватлашларини сўраймиз. Насиб қилса, натижаларимиз яхшиланиб, мухлисларимизни ғалабаларимиз билан хурсанд қиламиз.

- Сардор, энди ўзингиз ҳақингизда гаплашсак. Сўнгги йилларда футболчи сифатида ўсишга эришмаганга ўхшайсиз. Шу фикрга қўшиласизми?
- Ҳа. Менинг асосий мақсадим – миллий терма жамоа сафида тўп суриш. Бунинг учун машғулотларда тинмай ишлаб, учрашувларда ўзимни кўрсатиб, кучли клубларнинг эътиборини қозонишим лозим. Шундагина нимагадир эриша оламан. Ҳали ёшман, ўзимни кўрсатишим учун вақт бор. Худо хоҳласа, бундан ҳам яхшироқ ўйнаб, савиямни ошираман, деган умиддаман.

- Жамоа алмаштириш вақти келмадимикан?
- Ҳозир бир нарса дейишим қийин. “Нефтчи” билан тузилган шартномам йил охирида ўз кучини йўқотади. Агар ўша вақтда “Нефтчи”дан устун клублардан таклиф бўлса, ўйлаб кўраман. Сабаби, миллий терма жамоада тўп суриш учун савиямни оширишим шарт.

- Нега ўз вақтида ёшлар терма жамоаси сафида Осиё чемпионатида иштирок этган тенгдошларингизнинг аксари ўсишдан тўхтаб қолди? Хусусан, сиз ҳам.
- Айтганимдек, савия ошиши учун футболчи кучли клублар сафида ўйнаши лозим. Мен бу гап билан “Нефтчи”ни кучсиз демоқчи эмасман. “Нефтчи”ни қандай клублигини айтмасам ҳам барча жуда яхши билади. Ҳамма айб ўзимда, қаердадир хатога йўл қўйган бўлсам керак. Аммо эътибор беринг, “Пахтакор”да ўйнаб келаётган Темурхўжа Абдухолиқов, Акбар Исматуллаев сезиларли даражада тажриба ортиришди. Нега? Сабаби, клуб ҳар мавсум халқаро мусобақаларда тўп суради. Бу табиийки, уларни янада яхшироқ савияга чиқишлари учун хизмат қилади.

- 2009 йил Мисрдаги жаҳон чемпионатида ўйнаган жамоадошларингиз орасида фақатгина Ислом Тўхтахўжаев аввалги савиясини ушлаб қолди.

- Ислом дўстим, унинг ҳар бир ютуғини хурсандчилик билан қабул қиламан ва унга омад тилайман! Тўхтахўжаевнинг асосий ютуғи, уни миллий терма жамоага чақирилгани билан боғлиқ деб ўйлайман. Ўзига бўлган ишонч ортди, юқори савиядаги учрашувларда майдонга тушиб, тажрибасини ошириб бораверди. Мана натижаси.

Мазкур суҳбат қисқартирилган ҳолда ҳавола қилинди. 

Фурқатбек НИШОНОВ суҳбатлашди. 
«ФутболЭкспресс» газетасидан олинди.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

“Челси” – “Барселона”: LIVE “Челси” – “Барселона”: LIVE
Бугун тунда ЕЧЛ 1/8 финали илк учрашуви доирасида Лондоннинг “Челси”...  630
"Насаф" чиройли ўйин эвазига муҳим ғалабага эришди "Насаф" чиройли ўйин эвазига муҳим ғалабага эришди
Осиё Чемпионлар Лигасининг "C" гуруҳи 2-туридан ўрин олган...  351
ЎФА “Навбаҳор”ва “Бунёдкор” клубларини 500 миллион сўм жаримага тортди ЎФА “Навбаҳор”ва “Бунёдкор” клубларини 500 миллион сўм жаримага тортди
ЎФА Ижроқўми Қарорини бузганлиги учун “Навбаҳор”ва “Бунёдкор”...  339
ЕЧЛ. Лондондаги баҳсда кучлар тенг келди, Месси ниҳоят “Челси” дарвозасига йўл топа олди ЕЧЛ. Лондондаги баҳсда кучлар тенг келди, Месси ниҳоят “Челси” дарвозасига йўл топа олди
ЕЧЛ 1/8 финалидан ўрин олган “Челси”- “Барселона” учрашувида томонлар ...  228
������.�������

CA ни Facebook да ўқиш
учун "Yoqdi"ни босинг