Унинг шогирдлари соврин учун илк баҳсда "Барселона"га 0:2 ҳисобида мағлуб бўлишди.
"Ҳужумчи етишмаётгани ҳақида гапиришга ҳожат йўқ. Бу биз гол ура олмаган биринчи ўйин. Аммо жамоа имкониятлардан фойдаланиш устида ишлаши керак. Иккинчи бўлимда рақибга ноқулайлик туғдира олдик. Ўйинимизнинг баъзи жиҳатларини тўғирлай олмадик, натижада "Барселона" қарши ҳужумларга эга бўлди. Аммо "Севилья"да реванш олиш имконияти сақланиб турибди ва биз "Камп Ноу"да бунга эришамиз" - дейди Сампаоли.
