O'yinda inglizlar forvardi Muhammad Salah bitta gol urishga erishdi. Bu misrlik o'yinchi uchun "Liverpul" tarkibida YCHLdagi 18-gol bo'ldi.
Salah bu ko'rsatkich bilan klub tarixida ikkinchi o'ringa chiqib oldi va Stiven Jerrardning rekordiga yaqinlashdi. Jerrardning hisobida 21ta gol bor.
Yana bir ma'lumot, "Liverpul" so'nggi 2 yil ichida ilk bor guruh bosqichida mehmondagi o'yinda g'alaba qozondi.
Eslatib o'tamiz, Misr terma jamoasi futbolchisi "Liverpul"ga 2017 yilda "Roma"dan o'tgan edi.
