Руй Патрисиу "Рома"дан кетганини эълон қилди

Патрисиу пойтахт клубида 2021 йилдан буён ўйнаб келаётганди. У "жаллоросси" сафида 129 та ўйин ўтказиб, 134 та гол ўтказиб юборган ва 48 та ўйинда дарвозани "қуруқ" сақлаган.

Футболчининг шартномаси 30 июнь куни якунига етди. Томонлар келишувни узайтирмасликка қарор қилишди.

Эслатиб ўтамиз, Патрисиу клуб билан биргаликда Конференциялар Лигасида ғолиб чиқди ва Европа Лигаси финалида ўйнади. Ўтган мавсум 24 та ўйинда майдонга тушди.