UZ

18 сен 13:09
Янгиликлар

Рўзиқул Бердиев: "Финал вилоятлардаги стадионда катта байрам сифатида ўтказилса яхши бўларди"

Маълумки 25 сентябрь куни Ўзбекистон Кубоги финал ўйини бўлиб ўтади. Бўлажак баҳсни Тошкентдаги "Пахтакор" марказий стадионида ўтказилишини ПФЛ яқинда маълум қилганди.
Лекин бу борада масала тўлалигича аниқ бўлиб улгурмаган кўринади. Боиси кейинги йил ОЧЛда иштирок этиш ҳуқуқини берувчи ушбу аҳамияти юқори бўлган финал ўйинини қашқадарёлик кўплаб мухлислар вилоятда, хусусан Самарқанддаги "Динамо" марказий стадионида ўтказилишини талаб қилиб, ЎФФга ёзма равишда мурожаат қилган.

Аслида "Насаф" аъзолари бунга нима дейди? Бу борада дастлаб, бош мураббий Рўзиқул Бердиевнинг фикрлари билан қизиқдик.

- ПФЛ мавсум бошида Кубок финалига қайси жамоа чиқишидан қатъий назар, аввалдан стадион номини регламентда кўрсатиб ўтади", - дейди Рўзиқул Бердиев. "Бу йилги финал баҳси "Пахтакор" стадионида ўтиши кутилмоқда. Лекин билишимча, қашқадарёлик бир қатор ишқибозлар ПФЛга бу борада ёзма равишда мурожаат қилиб, "Насаф" - "Бунёдкор" баҳсини Самарқандда ёки бошқа вилоятда ўтказилишини сўрашган.

- Шахсан сиз бунга қандай қарайсиз?

- Кубок финали илгари асосан Тошкентда ўтказилиб келинган. Менимча вилоятдаги стадионларда, минглаб мухлислар қаршисида, катта байрам сифатида ўтказилса янада қизиқарли бўларди. Мухлислар бундай аҳамияти юқори бўлган ўйинларни трибунаси тўлган стадионларда ўтишини жуда жуда хоҳлайди. Барибир бу йилги финал ўйини, яна пойтахтда ўтказилса керак. Сабаби йил бошида регламентда шундай дейилганди. Очиғи, 25 сентябрь куни финал қаерда ўтса ҳам ўша ерда ўйнашга мажбурмиз. Буни ЎФФ қилади.

- Финал ўйинига жамоангизнинг тайёргарлиги қандай кетмоқда?

- Ҳаммаси режа асосида. Биргина муаммо бу  охирги пайтларда футболчиларимизнинг тез-тез жароҳатга йўлиқаётганидир. Кубок баҳсида иккала жамоада ҳам имконият тенг.

- Финал баҳсидан олдин, "Насаф"ни яна бир муҳим ўйин кутиб турибди. Яъни жума куни ўз майдонингларда "Пахтакор"ни қабул қиласизлар?

- Ҳа, чемпионат тақвимига кўра, кетма-кет учта қийин ўйинларни ўтказишга мажбур бўлмоқдамиз. Бундан олдин сафарда "Локомотив" билан ўйнагандик. Унга бир нечта жароҳат туфайли йўқотишлар билан боргандик. Шу боис бу бизга жиддий муаммо келтириб чиқарди. "Пахтакор" билан ўйинда ҳам Шохруҳ Гадоев билан Шуҳрат Муҳаммадиев ёрдам бера олмайди. Муҳаммадиев менимча финалга қадар тўлиқ тайёр холатга келади. Илҳом Шомуродовнинг жароҳати эса у қадар жиддий эмас.  

- "Локомотив"дан учралган мағлубиятдан кейин, футболчиларни кейинги ўйинларга тайёрлаб бориш осон бўлмаётгандир?

- Албатта, мағлубият ҳеч кимга ёқмайди. Лекин биз футболчилар билан суҳбатлашдик ва Тошкентда учралган мағлубиятни тезроқ унитиб, кейинги муҳим учрашувларга эътибор қаратиш кераклигини уқтирдик.

Жаҳонгир Мирзо суҳбатлашди.
Рейтинг:    

Фикрлар

< сўнгги янгиликларни кўриш

Энг яхшилар

Ўзбекистоннинг БАА билан ўйинга таркиби маълум Ўзбекистоннинг БАА билан ўйинга таркиби маълум
Бугун Ўзбекистон U-22 терма жамоаси Осиё чемпионати саралаш босқичида ...  141
Ўзбекистон U-23 Непални мағлуб этди Ўзбекистон U-23 Непални мағлуб этди
U-23 Осиё чемпионати саралаши доирасидаги Непал U-23 - Ўзбекистон...  90
Ўзбекистон Туркияда Саудия ва Эрон клубларига қарши ўйнаши мумкин Ўзбекистон Туркияда Саудия ва Эрон клубларига қарши ўйнаши мумкин
Туркияда бир ҳафталик йиғин олиб бораётган Ўзбекистон миллий терма...  87
Муносабат: Бабаян таклиф этган футболчилардан кимлар Хитой ва Жанубий Кореяга қарши ўйнаши мумкин? Муносабат: Бабаян таклиф этган футболчилардан кимлар Хитой ва Жанубий Кореяга қарши ўйнаши мумкин?
Ўзбекистон миллий терма жамоаси бир ҳафталик йиғин ўтказиш мақсадида...  81
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: