Ro'ziqul Berdiev: "Turon"ni g'alaba bilan tabriklayman. Ular bugun katta ishtiyoq evaziga g'alabaga erishishdi. Raqibning golidan avvalgi ikkita vaziyatdan foydalanganimizda, o'yin umuman boshqacha kechgan bo'lardi. "Turon" yaxshi himoyalandi, qarshi hujumlarda o'zini ko'rsatdi. "Nasaf"ni tanimadim".
- Shuhrat Muhammadiev nega birinchi bo'limda almashtirildi?
- Muhammadiev qanotda faol bo'lishi kerak edi, shu bilan birga Jumanqo'zievga qarshi kurashlarda passiv bo'ldi. Shu sabab almashtirdik.
- Yangi legionerlar Jigauri va Chavesning moslashishi qiyin bo'lyaptimi?
- Bunga vaqt kerak. Jamoada raqobat bo'lishi, mavsum uzoqligini hisobga olib, bu yigitlarni "Nasaf"ga taklif qilganmiz.
- Kubok chorak finalida "Turon" bilan to'qnash kelasiz...
- Ha, eshitdim, bu bahsgacha hali ancha bor. "Turon"ga qarshi bahs natijasi biz uchun qoniqarli bo'ladi deb o'ylayman.
- OCHL oldidan transferlardan qoniqdingizmi?
- Biz bergan takliflarning faqat ikkitasi amalga oshdi.
