Роналду билан жаҳон чемпионатидан аввал шов-шувли интервью муаллифи Пирс Морган “Йил интервьюси” совринига эга чиқди
28 июн 08:10
Янгиликлар

Роналду билан жаҳон чемпионатидан аввал шов-шувли интервью муаллифи Пирс Морган “Йил интервьюси” совринига эга чиқди

Журналист Пирс Морган йилнинг энг яхши интервьюси учун TRIS томонидан (Британия телевидение ва радио саноати клуби) ғолиби бўлди.

Морган мукофотни “Ал Насср” ҳужумчиси Криштиану Роналду билан бўлган суҳбат учун тақдирланди.

“Криштиану Роналду билан шов-шувли ҳамкорлигимиз учун TRIS томонидан “Йил интервьюси” деб топилганимиздан хурсандман. Мен ажойиб жамоамга ва яна бир бор Криштиануга раҳмат айтаман”, — деб ёзди Морган ижтимоий тармоқлардан бирида.

Эслатиб ўтамиз, 37 ёшли португалиялик футболчи ўз интервьюсида “Юнайтед” раҳбарияти ва инфратузилмасини, собиқ ва амалдаги бош мураббийлар Ральф Рангник ва Эрик тен Хагни танқид қилган, шунингдек, “Манчестер Сити”га амалга ошмай қолган трансфер ҳақида гапирган эди. Ушбу интервьюдан сўнг Роналду “Манчестер Юнайтед” билан ҳамкорликни тугатганди.

Ҳавола :

Манба : championat.asia

Янгиликларни Телеграмда ўқинг!

Рейтинг: +7