UZ

Сўнгги янгиликлар

09:25Биласизми? "Реал" хеч қачон "Челси"ни юта олмаган  5 09:11Тухель Зиданга қарши ўйинларда умуман ютқазмаган  7 08:48"Челси" 2012 йилдан бери илк маротаба, ўз тарихида эса учинчи маротаба ЕЧЛ финалида ўйнайди  17 08:21Тухель кетма-кет иккинчи йили ЕЧЛ финалига чиқди  17 08:00Суперлига. Бугун "Пахтакор" Яйпанда, АГМК Термизда меҳмон  21 07:48Вернер ноябрь ойидан буён илк маротаба Чемпионлар лигасида гол урди - бўш дарвозага  6 07:28УЕФА Суперлигани рад этмаган клубларни икки йилга еврокубоклардан четлатмоқчи  28 07:11Томас Тухель "Реал"га қарши ўйиндан сўнг нималар деди?  26 05:20ЕЧЛ 1/2 финал. "Челси" - "Реал Мадрид" 2:0  7 02:50Зинедин Зидан: "Челси" муносиб ғалабага эришди. Биз шундоқ ҳам анча узоққа бордик, йигитларим билан фахрланаман"  89 02:08ПСЖ Орьени ортга қайтармоқчи  15 01:59ЕЧЛ. "Челси"га "Реал"нинг кучи етмади — бизни инглизча финал кутмоқда   471 01:41Моуринью "Рома"га биринчи трансфер нишони кимлигини маълум қилди  15 01:20Касильясда яна соғлиқ билан боғлиқ муаммо юзага келди  4 00:59Беларусь Кубоги. "Шахтёр" ярим финалда тўхтади, БАТЭ ва Умаров финалга чиқди!   2

Превью. "Рома" - "Наполи" ёки "Ювентус" ва "Милан" етакчига яқинлашиб олиши мумкин Янгиликлар

Превью. "Рома" - "Наполи" ёки "Ювентус" ва "Милан" етакчига яқинлашиб олиши мумкин

Италия чемпионатининг 28-тури қизиқарли баҳсларга бой бўлиши кутилмоқда.

"Ювентус" - "Беневенто"

"Милан" ва Италия термасидаги жамоадош, дўстларнинг тўқнашуви — ҳаттоки улар бошқараётган жамоалар кучи тенг бўлмаса ҳам. Шундай бўлса-да, "Ювентус" таркибида бир қатор йўқотишлар мавжуд. Куадрадо йўқлиги сабаб қанотда Бернардескини кўрсак ажабмас. Дибала, Демираль, Бентанкур ва Рэмси сафга қайтишга деярли тайёр, лекин катта эҳтимол билан биз уларни терма жамоалар ўйинлари туфайли юзага келувчи танаффусдан кейин майдонда кўрамиз. "Беневенто" ҳам йўқотишлардан ҳоли эмас ва бу борада биринчи бўлиб Камил Гликни қайд этиш зарур. Ҳимоя чизиғига усиз осон бўлмаслиги турган гап. Шунингдек, жамоа устози Летиция ҳамда Скитьярелла хизматларидан фойдалана олмайди.

Қизиқ томони, биринчи даврада "Беневенто" "Ювентус"ни тўхтата олганди, жамоалар 1-1 ҳисобидаги дурангга имзо қўйишган. Бўлажак баҳсдан аввал ҳам "Ювентус" табиийки, яққол фаворит. Туринликлар биринчи навбатда "Интер"га руҳан яқинлашиб олишлари мумкин. Шундай экан Пирло шогирдлари илк дақиқаларданоқ меҳмонлар ҳимоясига босим уюштира бошлашади. 


"Верона" - "Аталанта"

"Верона" сафида жароҳатланганлар деярли йўқ. Калинич ва Колли анчадан буён жамоага ёрдам бера олмаятпи, қолган барча футболчилар эса Юрич қарорини кутиб туришибди. "Верона" учун охирги учрашувлар у қадар омадли ўтди деб бўлмайди ва баъзи ўзгаришларни кўрсак керак. "Аталанта" эса Госенсни йўқотди, аммо Толои сафга қайтган. Гасперини чап қанот латерал муаммосини қандай ҳал қилиши жуда қизиқ бўлади, балки Руджерига имкон берилар. Ҳужумда эса танлаш имконияти билан боғлиқ муаммо йўқ, Иличич бироз чарчагандек, шу сабаб Пессина илк дақиқалардан ўйинни бошлаши мумкин. Шунингдек, сўнгги пайтлар ўйин амалиёти олдингиданда камайиб кетган Алексей Миранчукни ҳам майдонда кўришимиз мумкин.

Биринчи даврада "Верона" сафарда "Аталанта"ни 2-0 ҳисобида мағлуб этган. Шундай бўлса-да, букмекерлар "бергамоликлар"га кўпроқ ишонч билдирмоқда. Аммо "Верона" Гасперини жамоаси учун чинакамига ноқулай рақиб эканини таъкидлаш зарур. Юрич бемалол "Аталанта" тактик схемасига "кўзгу тутиши" мумкин, агар шундай бўлса меҳмонлар анча меҳнат қилишларига тўғри келади. Куннинг биринчи баҳсида А Серия етакчиларидан бирини осон ўйин кутиб турмагани аниқ.


"Фиорентина" - "Милан"

Аввалги баҳсдаги ғалабадан кейин "фиалкалар"нинг кайфияти анча кўтарилган бўлиши табиий. Ҳа, жароҳатлар жамоага қўшимча муаммолар келтириб чиқармоқда, айниқса Бираги катта йўқотиш бўлади. Бироқ мезбонлар бахтига уни алиштира оладиган футболчи ҳозир таркибда бор. Шу ўринда ҳозир "Милан" ҳам ўзининг оптимал спорт формасида эмаслигини таъкидлаш лозим. Бу ўйинда Леаонинг майдонга тушиши сўроқ остида бўлса, Калабрия, Ребич ва Манджукич "россонерилар"га бу оқшом ёрдам бера олмаслиги аниқ. Яхши янгилик ҳам йўқ эмас. Златан асосий таркибга қайтишга тайёр ва бу жамоанинг ҳужум чизиғига катта куч беради. Шунингдек, Бенассернинг ҳам қайтишини тахмин қилиш мумкин, лекин у энди терма жамоалар ўйинларидан кейин сафга қайтса керак.

Охирги марта "Милан" бу рақиб устидан 2-0 ҳисобида зафар қучган. Сўнгги вақтлардаги омадсизликларга қарамай, "россонерилар" бўлажак баҳсда ҳам фаворит ҳисобланмоқда. Нима бўлганда ҳам бу йилги "Милан" соврин учун курашаётгани ва олтин медаллар учун ҳаракат қилаётганини унутмаслик лозим. Шундай экан, Пиоли шогирдларида "Интер"га яқинлашиб олиш учун яхши имконият мавжуд.


"Рома" - "Наполи"

Фонсека жароҳатлар ва дисквалификациялардан чарчаганини яширмаяпти. Бутун мавсум давомида мураббий бу муаммо билан курашиб келмоқда ва бўлажак баҳс бундан мустасно бўлмайди. Ҳамон Перес, Верету ва Жуан жамоага ёрдам беролмайди, қўшимчасига уларга Ибаньез қўшилди. Катта эҳтимол билан "бўрилар" учрашувни 4 ҳимоячи билан бошлашади. Ҳеч бўлмаса ҳужум чизиғи вакиллари, Мхитаряндан ташқари, соғ ва жангга тайёр ҳамда мураббий Эл-Шаарави ёки Педродан бирини танлашига тўғри келади. 

Гаттузо жамоасида ҳам йўқотишлар йўқ эмас. Ҳимоячилар Гулям, Ррахмани ва ярим ҳимоя вакили Ди Лоренцо ўйнамаслиги аниқ, Манолас эса - сўроқ остида. Олдинда Осимхен ва Мертенс танлови бор, лекин нима бўлганда ҳам уларнинг иккаласига ўйин маълум вақт берилиши кутилмоқда.

"Наполи" сўнгги марта 4-0 ҳисобида зафар қучган. Ҳозир эса букмекерлар кичик устунликни "Рома"да кўришмоқда. Ҳа, жамоа Европа Лигасидан кейин толиққан, таркиб билан муаммолар, бироқ "Наполи" ҳам идеал ҳолатда эмас. Бу беллашув мусобақа жадвали учун ҳам муҳим ҳисобланади ва муросасиз курашлар остида ўтишини тахмин қилиш мумкин.


Сергей Румянцев
Нозима Зарипова таржимаси

Рейтинг: +4   

Фикрлар

+1   
21 мар 11:09:54
CH E L S E A
Ronaldu Dubl qilsa kerak bugun...
   
21 мар 11:37:54
Fanat AC Milan
Inter oʻynamaydi chunki ularda virus koʻpayib oʻyin boshqa kunga qoldirilgan. Reglamentga koʻra 13 futbolchi tarkibda boʻlsa ruxsat etilgan, ammo bu inter uchun emas. Agar Milan, Yuventus lar boʻlganda bunga majbur etilardi. Bir soʻz bilan aytganda a serya raxbarlari interni chempion boʻlishini xoxlashmoqda. Xozirdanoq kubokni berib qoʻyaveringlar.
   
21 мар 09:54:02
...
Forza Milan
-1   
21 мар 11:46:51
Farpi 2-16
Fanat AC Milan фойдаланувчининг фикрига жавоб бериш
Inter oʻynamaydi chunki ularda virus koʻpayib oʻyin boshqa kunga qoldirilgan. Reglamentga koʻra 13 futbolchi tarkibda boʻlsa ruxsat etilgan, ammo bu inter uchun emas. Agar Milan, Yuventus lar boʻlganda bunga majbur etilardi. Bir soʻz bilan aytganda a serya raxbarlari interni chempion boʻlishini xoxlashmoqda. Xozirdanoq kubokni berib qoʻyaveringlar.
juda ozizzdan futbol experti yasamen vaqtida yuventus va milanga ham owa ifa katya sovgalar bilan chempionlikni qow qollab olib bergan
championat.asia
< сўнгги янгиликларни кўриш
Яндекс.Метрика