"Iguain bilan xayrlashib, uni quchoqlab qo'ydim. Bu achinarli vaziyat. Unga kelgusidagi ishlariga omad tiladim. Afsuski, futbol shunday. Jamoadagi sherigimni yo'qotyapman. Ammo, Gonsalo men uchun yaxshi do'st bo'lib qoladi" - deya Reynaning so'zlarini keltiradi Football Italia nashri.
Iguain "Milan"ga o'tgan yozda "Yuventus" safidan kelib qo'shilgandi. "Chelsi" Gonsaloni 9 million evro evaziga mavsum oxiriga qadar ijaraga oladi. Kelishuvga ko'ra, "aristokratlar" 31 yoshli futbolchini yozda 36 million evro to'lagan holda to'liq sotib olishlari mumkin.
