"Реал Сосьедад" россиялик футболчи трансферини деярли ҳал қилди

Испанлар иқтидорли футболчи учун 12 миллион евро + бонуслар таклиф қилишга тайёр. "Реал Сосьедад" футболчининг ўзи билан шартнома борасида келишувга эришиб улгурган.

Келишув яқин кунларда тўлиқ ҳал этилиши кутилмоқда. "Динамо" 20 ёшли футболчи трансфер ҳуқуқининг бир қисмини ўзида сақлаб қолмоқчи.

Захарян москваликлар асосий жамоаси таркибида 2021 йилнинг қишидан буён ҳаракат қилмоқда (89 ўйин, 19 та гол ва 25 та ассист). Бу мавсум ярим ҳимоячи 5 ўйинда майдонга тушиб, 2 та гол урди ва 1 та голли узатма етказиб берди. 

"Transfermarkt" портали футболчи трансферини 15 миллион еврога баҳоламоқда. Москваликлар ҳам футболчиси билан айнан шундай сумма эвазига хайрлашишга тайёр.

Хавбекнинг "Динамо" билан шартномаси 2023/24-йилги мавсум охиригача мўлжалланган.