Расман: "Хетафе" "Барса" футболчисини 10 миллион еврога харид қилди
30 июн 2020 15:03
Янгиликлар

Расман: "Хетафе" "Барса" футболчисини 10 миллион еврога харид қилди

"Барселона" ҳимоячи Марк Кукурельянинг "Хетафе"га сотилганини эълон қилди.

Клуб матбуот хизматининг хабар беришича, "Хетафе" Каталония клубига 10 миллион евро тўлайди. "Барселона" кейинги трансфердан 10%ини ўзиники қилади.

21 ёшли испаниялик футболчи "Барса" тизимига 2012 йилда келган ва 2017 йилнинг октярбь ойида Испания Кубоги доирасидаги ўйиннинг сўнгги дақиқаларида майдонга тушган ҳолда асосий жамоада дебют қилган эди. Бу футболчининг "Барса"нинг асосий жамоаси таркибидаги ягона ўйинидир.

Қайд этиш керакки, "Барселона" сўнгги пайтларда ўйинчини ортга қайтармоқчи эди, аммо "Хетафе" уни харид қилиш ҳуқуқидан фойдаланди.

Кукурелья жорий мавсум ижара асосида "Хетафе"да ўйнади. У Ла Лига доирасидаги 31та ўйинда майдонга тушиб, 1та гол ва 6та ассист қайд этди.

Ҳавола :

Манба : fcbarcelona.cat

Янгиликларни Телеграмда ўқинг!

Рейтинг: +4