Futbolchi bugun tibbiy ko'rikdan muvaffaqiyatli o'tganidan so'ng, rasman Vilyarreal a'zosi sifatida e'lon qilindi. Moreno va ispan jamoasi o'rtasidagi shartnomaga esa ertaga imzo chekilishi rejalashtirilgan. Shundan so'ng, u yangi klubi bilan mavsumoldi yig'inlarida qatnashadi. Qayd etilishicha, tomonlar besh yillik kelishuvga erishgan.
Avvalroq, ispaniyalik 27 yoshli futbolchi LaLiganing boshqa bir jamoasi Sevilya safida (2011-2014 yillar) ham harakat qilgandi.
