"Милан" ва "Порту" жамоаларининг собиқ бош мураббийи "Ал-Иттиҳод"га ишга жойлашди. Жидда клуби сентябрь ойининг охирида Лоран Бланни лавозимидан озод этган эди.
Жамоа чемпионатнинг тўрт турида 9 очко тўплаб, учинчи ўринни эгаллаб турибди. Осиё Чемпионлар Лигасида эса икки ўйинда икки марта мағлубиятга учради.
Эслатиб ўтамиз, Консейсау ўтган мавсумда "Милан"да ярим йил ишлаган эди. Ўшанда жамоа А Сериясида 9-ўринни эгаллаган, Италия Суперкубогини қўлга киритган ва Италия Кубоги финалида "Болонья"га 0:1 ҳисобида мағлуб бўлган эди.
