Расман: "Динамо" бразилиялик вингер трансферини эълон қилди

Ёзги трансфер ойнасининг сўнгги кунида "Динамо" жамоаси бразилиялик Маркос Кайкни ПФЛ рўйхатидан ўтказганди.

"20 ёшли бразилиялик вингер куни кеча "Динамо" жамоасининг Тошкентда ўтказаётган йиғинига келиб қўшилди. Клуб ва Маркос Кайк ўртасида 2025 йилнинг якунига қадар белгиланган 1,5 йиллик шартнома имзоланган. Бразилиялик легионер "Динамо" сафига "Бетим" клубидан эркин агент сифатида қўшилди. У жорий мавсумнинг биринчи даврасини Бразилия С Сериясининг "Позу-Алегри" клубида ўтказиб, 3 ўйинда битта голга муаллифлик қилган.

Шу тариқа Маркос Кайк Ратиньо, Дуглас Майкондан кейин жамоамиздаги 3-бразилиялик легионерга айланди", – дейилади клуб матбуот хизмати хабарида.