"Qirollik klubi" Chempionlar ligasidan chiqib ketganidan so'ng Ramos va Peres jamoa ko'z o'ngida janjal uyushtirishdi.
Klub prezidenti va sardori o'rtasidagi uchrashuvda deyarli hech narsa hal bo'lmadi.
Ramosning klub bilan shartnomasi 2021 yilda yakuniga yetishi tufayli vaziyat og'irlashgan. Agar klub ispaniyalik bilan shartnomani bekor qilsa, ular futbolchiga 25 mln. evro to'lab berishi kerak bo'ladi.
Futbolchining klubdagi kelajagi so'roq ostida. Sardor va prezident o'rtasida yana bir uchrashuv bo'lib o'tadi.
Peres bilan kelishmovchilikka qaramasdan, jamoa mavsumni yaxshi yakunlashi uchun Ramos mas'uliyatni o'z bo'yniga oldi. Himoyachi murabbiylar shtabisiz jamoaning boshqa vakillari bilan suhbat o'tkazdi.
