UZ

Сўнгги янгиликлар

12:50Ўзбекистон кубогининг саралаш босқичига қуръа ташланди  1 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  11 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  14 08:21Депайнинг агенти: «Бу ёлғон»  4 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0 07:28Суперлига. Бугун ғалаба қозонмаганларнинг тўқнашувига гувоҳ бўламиз  1 00:56Де Брюйне "Арсенал"га қарши ўйингача сафга қайтиши кутилмоқда  5 00:35Тони Кроос "Реал Мадрид"да қолади!  5 00:05Лотар Маттеус: "Байер" – дунёдаги энг кучли клуб. Улар менга эски "Барселона"ни эслатишяпти"  15

Қўқонда чемпионлар муносиб кутиб олинди! Янгиликлар

Қўқонда чемпионлар муносиб кутиб олинди!

Ўзбекистон U-23 терма жамоасининг Хитойда бўлиб ўтган Осиё чемпионатидаги ғалабаси ,бутун ўзбек ҳалқига жуда катта қувонч олиб келди.

29 январь куни Қўқон шаҳрида қаҳрамонлар муносиб тарзда кутиб олиндилар. Терма жамоамизнинг ғалабасига Фарғона вилоятининг 8 нафар фарзанди ўзининг муносиб ҳиссаларини қўшдилар. Қўқон шаҳри ва атроф туманларидан кўплаб мухлислар ўзлари севган футболчилар Акромжон Комилов, Ойбек Рустамов ҳамда Достонбек Турсуновларни кутиб олишди.

Кутиб олиш тадбирлари Фарғона вилоятининг чегарасидан бошланди. “Қўқон-1912” футбол клуби вице-президенти , бош директори Бахтиёржон Толипов, футболчиларнинг яқин қариндошлари ҳамда “Қўқон-1912” жамоасининг “Содиқ мухлислар клуби” аъзолари ва бошқа кўплаб юртдошларимиз футболчиларни вилоят чегарасида карнай-сурнай садолари остида олқишлар билан кутиб олдилар. Дастлаб Акромжон Комиловнинг “Малибу”си кўринди. Сўнгра бирин-кетин Ойбек Рустамов ва Достонбек Турсуновлар , президентимиз томонидан совға қилинган “Малибу” автомобилларида етиб келдилар. Айниқса футболчиларнинг ота-оналари бундай манзарани кўриб кўзларини севинч ёшларидан тийиб туролмадилар.

Футболчилар мухлислар қуршовида Қўқон шаҳри томон йўлга тушишди.

Қўқон шаҳар ҳокимиятига қарашли мажлислар залида Осиё чемпионларининг мухлислар билан учрашуви бўлиб ўтди. Учрашувда “Қўқон-1912” футбол клуби бош директори Б Толипов сўз олиб футболчиларни “Қўқон-1912” футбол клуби ва барча Қўқонликлар номидан қизғин табрикладилар.

“Сизлар миллионлаб футболсевар Ўзбекистонликлар юрагидан ўрин олдингиз. Сиз кўрсатган жасорат ўзбек ҳалқининг ҳеч кимдан кам эмаслигидан , ўзбек йигитлари кўп нарсаларга қодир эканлигидан далолат бўлди. Сизлар ўзбек футболининг ҳақиқий қаҳрамонлари бўлдингиз. Биз ишонамиз келажакда сизлар билан жаҳон чемпионатларида албатта иштирок этамиз” –деди Б Толипов.

Учрашувга йиғилган мухлислар ҳам футболчиларга ўзларининг чексиз миннатдорчиликларини изҳор қилдилар. Ўз навбатида Акромжон Комилов ҳамда Ойбек Рустамовлар ҳам камтарона хизматларини муҳтарам юртбошимиз томонидан юксак эътироф этилганидан жудаям хурсанд эканликларини яширмадилар. Бундай юксак эътирофга муносиб фарзанд бўлиш учун келажакда ҳам тинмай меҳнат қилишга , ватанимиз байроғини жаҳон чемпионатларида ҳам хилпираши йўлида бор куч ғайратларини ишга солишга ваъда бердилар. Учрашув жудаям кўтаринки кайфиятда бўлиб ўтди.

Шундан сўнг футболчилар мухлислар қуршовида ўз уйлари томон йўлга тушдилар. Қўқон шаҳридаги Комиловлар хонадонида Акромжоннинг келиши ҳақиқий байрамга айланиб кетди.

“Қўқон-1912” аъзоси Ойбек Рустамов яшайдиган Учкўприк туманидаги Олмурод қишлоғида эса ҳақиқий тўй бўлди десак янглишмаймиз.

Кутиб олиш тадбирларидан олинган суратларни кўриб ўзингиз бунга гувоҳ бўлинг.

Рейтинг: +49   

Фикрлар

championat.asia
< сўнгги янгиликларни кўриш
Яндекс.Метрика