Ushbu tanaffusdan unumli foydalanishni maqsad qilgan jamoamiz futbolchilari 8-noyabr kunidan boshlab, navbatdagi turda bo'ladigan “Sho'rtan” jamoasiga qarshi uchrashuvga tayyorgarlikni boshlab yuborishdi.
Futbolchilarimiz Chirchiq shahrida o'quv mashg'ulotlarini olib borishmoqda. Mashg'ulotlarni No'mon Xasanov boshchiligidagi murabbiylar shtabi kuniga ikki mahaldan o'tkazishmoqda. Chirchiqdagi yig'inda jarohati bois Otabek Haydarov va Otabek Zokirovlar ishtirok etishmayapti. Shuningdek Dostonbek Tursunov O'zbekiston U-22 terma jamoasi yig'iniga chaqirilgani bois jamoamiz ixtiyorida emas. Qolgan barcha futbolchilar sog'-salomat, ular mashg'ulotlarda foal ishtirok etishmoqda.
Futbolchilarimiz “Sho'rtan” bilan bo'ladigan uchrashuvga qadar Chirchiq shahrida shug'ullanishadi.Jamoamizning navbatdagi turdagi “Sho'rtan” jamoasiga qarshi o'yini, 18-noyabr kuni G'uzor shahrida bo'lib o'tadi.
