UZ

Сўнгги янгиликлар

03:33Испания кубоги. Сўнгги дақиқаларда урилган гол “Реал”га ғалаба келтирди  3 03:26Мина илгари Пуйоль ва Иньеста ўйнаган рақамда майдонга тушади  1 02:30Olamsport: WBC етакчиларидан бири бўлган ўзбек боксчисининг жанг санаси маълум, жаҳон чемпионати сари йўлни мағлубият билан бошладик  0 01:53“Барселона” Серхио Роберто билан янги шартнома борасида келишиб олди  2 01:17“Леганес-“Реал”: таркиблар маълум  20 01:07Ҳуқушунос: “Неймарнинг шартномасида товон пули кўрсатилмаган”  4 00:53А серияда видеотакрорлардан фойдаланишда давом этади  2 00:18“Насаф” Қозоғистон биринчи лигаси вакилига имкониятни бой берди  12 00:05Спортчилар ижтимоий тармоқларда  9 23:41Обамеянг “Герта”га қарши учрашувни ўтказиб юборади  4 23:26Капелло: “ЖЧ-2018 гуруҳ босқичи Россия учун у қадар қийин эмас”  7 22:17Кэроллнинг трансфери амалга ошмай қолиши мумкин  10 21:45"Барселона" 100 млн. евролик трансфер амалга оширмоқчи  32 21:32АГМК Германия клубини йирик ҳисобда мағлуб этди  39 21:10“Металлург-W” янгиланган мураббийлар штаби билан мавсумга тайёргарликни бошлади  3

“Қизилқум”: Фарғонадан очко билан қайтишимиз шарт эди... Янгиликлар

“Қизилқум”: Фарғонадан очко билан қайтишимиз шарт эди...

Агар “Нефтчи” — “Қизилқум” жамоалари ўзаро учрашувлари статистикасига эътибор берсангиз, навоийликлар охирги маротаба 2003 йилда Фарғонадан уйга очко билан қайтганларига гувоҳ бўласиз.
Ўшанда Зарафшон шаҳри шарафини ҳимоя қилган кончилар рақиби билан 1:1 ҳисобида дуранг ўйнашган.

Шундан бери қанча сувлар оқиб ўтди. Бугун Навоийда футболга муносабат тобора профессионал даражага кўтарилиб бормоқда. Натижалар тарихда қолади, деб бежизга айтишмайди. Ҳозирги "Қизилқум", унинг мақсадлари билан аввалги жамоани ўзаро солиштириш мутлақо ўринсиз.

Тақвимга кўра, қаторасига икки турни сафарда ўтказаётган навоийликларга осон тутиб бўлмасди. Бир ҳафта олдин пахтакорчиларга кичик ҳисобда (1:0) имкониятни бой берган Юрий Лукин шогирдлари йўқотилган очко ўрнини Фарғонада тўлдиришга уринишлари табиий эди. Шу боис, жамоа аъзолари “Қизилқум” футбол клуби ижрочи директори Ҳамиджон Актамов раҳбарлигида ўйин кунидан анча олдин ташриф буюришди. Кончиларнинг ўйинга пухта ҳозирлик кўришлари учун барча шарт-шароитлар яратиб берилди. Бу эса ўз самарасини берди.

Албатта, “Нефтчи” жамоаси ҳақида тарқалган турфа миш-миш ва гап-сўзлар бу футбол клубининг кучсизлигини англатмайди. Фақат қисқа вақтда янгидан шаклланаётган жамоа намоийш этаётган ўйинларига маҳаллий мухлислар кўника олмаяптилар, холос. Чунки “Нефтчи” фарғоналикларни ўзининг ғалабаларига ўргатиб қўйганлигини ҳам тан олиш лозим. Дастлабки турлардаги омадсизликлар туфайли бош мураббий Мурод Исмоиловнинг навоийликларга қарши жиддий ҳозирлик кўриши аввалдан маълум эди. Шу боис, “Нефтчи” футболчилари “Қизилқум”га қарши жанговор таркибда майдонда саф тортдилар.

Учрашув тафсилотларига қисқача тўхталиб ўтсак, ўйин дастлабки дақиқаларданоқ анча кескин ва шиддатли бошланди. Буни ўйин дебюти илк беш дақиқасида икки ўйинчига бош ҳакам томонидан сариқ карточка кўрсатилганлиги ҳам кўрсатиб турибди.

Шу куни жароҳати туфайли майдонга туша олмаган ярим ҳимоячи Элдор Бойматовнинг ўрнини билдирмаслик учун "Қизилқум" таркибидаги ўзгариш ижобий натижа берди. 7-дақиқада Самандар Шодмонов — Руслан Вагапов “дуэти” бошлаб берган ҳужум Владимир Шишелов томонидан самарали якунлаганида вазият мутлақо бошқача кўриниш оларди.

13-дақиқада Жиямуродовнинг чамаси 25 метрлардан йўллаган зарбасидан сўнг тўпни Эркин Жабборов қийинчилик билан қайтарди. 22-дақиқада бурчакдан узатиб берилган тўпни Носир Отақўзиев дарвозага йўллади, тўп Рўзимбой Аҳмедовга тегиб йўналишини ўзгартирди.

32-дақиқада ўнг қанотдан Ҳайдаров - Вагапов хавфли ҳужум уюштиришди. Ҳимоячилар катта қийинчилик билан ҳужумни бартараф этишди. Биринчи бўлимда иккала жамоа дарвоза томон 3тадан зарба беришди, иккала жамоа бир мартадан аниқ зарба йўллашди.

Иккинчи бўлим "Қизилқум"нинг кескин ҳужуми билан бошланди. Ўнг қанотдан Руслан Вагаповнинг дарвоза томон йўллаган кучли зарбасини Ғайрат Ҳасанов катта қийинчилик билан майдон ташқарисига чиқариб юборди.

57-дақиқада Дилёрбек Эрматов Зоҳид Абдуллаевни дарвозабон билан деярли яккама-якка вазиятга чиқарди. Бу ерда чаққонроқ ҳаракат қилган Эркин Жабборов тўпни эгаллаб олди. 70-дақиқада Жиямуродов жарима тўпини амалга оширди. Аммо Иқбол Бобохонов 7 метрлар узоқликдан дарвозани ишғол эта олмади.

71-дақиқада Владимир Шишелов жамоадоши Шерали Жўраевни деярли яккама-якка вазиятга чиқарганди. Бироқ Шерали сўнгги зарбани беришда адашди ва тўп ноаниқ кетди. 74-дақиқада Зоҳид Абдуллаев қулай вазиятда турган  Носир Отақўзиевни тўп билан таъминлади. Аммо Носир дарвозани аниқ нишонга ололмади. 82-дақиқада Жаҳонгир Жиямуродов амалга оширган жарима тўпини Эркин Жабборов маҳорат кўрсатиб, эгаллаб олди. 85-дақиқада Миржалол Қурбоновга вақтни ўзгани учун сариқ карточка кўрсатилди ва майдондан четатилди.

Меҳмонлар майдонда ўн киши бўлиб қолганликларига қарамай, сўнгги дақиқагача ҳужумкорликни бир зум ҳам сусайтирмади. 87-дақиқада ҳужумчи Алишер Холиқов бир йўла икки ҳимоячини алдаб ўтиб, жарима майдончаси ичига кириб борди. Бу вазиятда ҳимоячилардан бирини уни чалиб йиқитди. Аммо бош ҳакам Владислав Цейтлин ҳеч нима бўлмаганлигига ишора қилиб, ўйинни давом эттириш кераклигини билдирди. Бунгача эса учрашув лайнсменлари ҳам бир неча бор ўз байроқларини кўтаришда мезбонлар фойдасига “янглишган” эдилар.

 90+2-дақиқада Шишеловнинг зарбаси хавфли кўриниш олди. Тўп дарвоза устуни ёнгинасидан ўтиб кетди. 90+4-дақиқада Зоҳид Абдуллаев дарвозабон билан тўқнашиб кетди ва ҳакам томонидан огоҳлантирилди.

Ҳар икки жамоа аъзолари қанчалик уринишмасин, учрашув охиригача таблода ҳисоб 0:0 ҳисоби сақланиб қолди.

Муҳими, амалдаги мавсумда ўз олдига жиддий мақсадларни қўйган “Қизилқум” Фарғонада мамлакатимизнинг номдор жамоаларидан бири “Нефтчи”дан очко тортиб олди. Агар кончилар яратилган қулай вазиятлардан унумли фойдаланишганида, улар водий сафаридан бемалол ғалаба билан ҳам қайтишлари ҳеч гап эмас эди. Шунга қарамай, ушбу натижа 12 апрелда Навоийда Муборакнинг “Машъал” жамоасига қарши ўтадиган ўйин олдидан футболчиларимизга кўтаринки кайфият бағишлаши табиий.


ҲАКАМЛАР ҲУЖЖАТИДАН КЎЧИРМА:

Олий лига, 4-тур

5 апрель, шанба


«Нефтчи» (Фарғона) – «Қизилқум» (Зарафшон) — 0:0.

Қиргули. “Нефтчи” спорт мажмуаси

Ҳакамлар:
В. Цейтлин (Тошкент), Р. Серазетдинов (Тошкент), А. Цапенко (Тошкент вилояти), А. Раҳимов (Андижон)

«Нефтчи»: Ғайрат Ҳасанов, Иқбол Бобохонов, Дилёрбек Эрматов, Жаҳонгир Жиямуродов, Жаҳонир Меҳмонов, Азиз Алижонов (Зоҳид Абдуллаев, 46), Александр Оника (Павел Смоляченко, 75), Руслан Мелзиддинов, Абдуллоҳ Олимов, Носир Отақузиев, Рўзимбой Аҳмедов (Максимилиан Фомин, 65).

«Қизилқум»: Эркин Жабборов, Акмал Холиқов, Акмал Рустамов (Ғайрат Жумаев, 52), Владимир Шишелов, Самандар Шодмонов (Алишер Холиқов, 76), Руслан Вагапов, Миржалол Қурбонов, Шерали Жўраев, Асқар Муҳиддинов, Азиз Усмонов, Фарруҳ Ҳайдаров (Файзулла Қамбаров, 69).

Огоҳлантиришлар: Азиз Алижонов 2, Владимир Шишелов 5, Эркин Жабборов 14, Миржалол Қурбонов 32, Александр Оника 53, Руслан Вагапов 65, Максимилиан Фомин 68, Алишер Холиқов 89,  Зоҳид Абдуллаев 90+4.

Четлатиш: Миржалол Қурбонов (иккинчи сариқ карточка, 85).

Назоратчи: Ғ. Каримов (Тошкент).
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Самвел Бабаян: "Вақти келса барини айтиб бераман..." Самвел Бабаян: "Вақти келса барини айтиб бераман..."
ЎФФ футболдан бутунлай четлатган мураббий Самвел Бабаяннинг терма...  256
Умид Аҳмаджонов - Миллий олимпия қўмитаси янги президенти Умид Аҳмаджонов - Миллий олимпия қўмитаси янги президенти
Бугун Ўзбекистон Миллий олимпия қўмитаси биносида ташкилотга янги...  192
Умид Аҳмаджонов: "Терма жамоанинг янги мураббийини кўргач, халқимиз албатта хурсанд бўлади" Умид Аҳмаджонов: "Терма жамоанинг янги мураббийини кўргач, халқимиз албатта хурсанд бўлади"
ЎФФ президенти Умид Аҳмаджонов Ўзбекистон терма жамоасининг янги...  168
Қозоғистонда ҳалок бўлган ҳамюртларимиз яқинларига таъзия билдирамиз Қозоғистонда ҳалок бўлган ҳамюртларимиз яқинларига таъзия билдирамиз
Бугун, 18 январь куни Қозоғистоннинг Ақтобе вилояти Иргиз туманида...  140
������.�������

CA ни Facebook да ўқиш
учун "Yoqdi"ни босинг