10. Софиан Фегули - "Валенсия".
Жазоирлик 25 ёшли футболчи айни пайтда ўзининг ажойиб ўйинларини намойиш этмоқда. Маълум бўлишича, футболчига "Манчестер Юнайтед" томонидан жиддий қизиқиш билдирилмоқда. 
9.Хатем Бен Арфа - "Ницца"
"Ницца" сафида ёрқин ўйин намойиш этаётган Франция терма жамоаси футболчисига яна инглиз клублари томонидан қизиқиш билдирилмоқда.
8.Эсекьель Лавесси - "Пари Сен-Жермен"
Бразилиядаги ЖЧдан сўнг ўйинлари бироз пасайган Лавессидан ҳалиям нимадир кутса бўлади. 
7. Жоэль Матип - "Шальке-04"
24 ёшли футболчи Германия чемпионатида фаолиятини бошлаган ва ҳозиргача мунтазам майдонга тушиб келмоқда. 192 см бўйга эга ҳимоячи исталган жамоа ҳимоясини кучайтира олади.
6. Николя Н'Кулу - "Марсель"
Камерун терма жамоаси ҳам Франция чемпионатининг кучли марказий ҳимоячиларидан бири ҳисобланади. 
5.Эвер Банега - "Севилья"
"Севилья" агар аргентиналик футболчи билан шартномасини узайтириб олмаса уни текинга бошқа жамоага қўйиб юборишга мажбур бўлади. 
4. Грегори Ван дер Вил - "Пари Сен-Жермен"
ПСЖ захира ўриндиғида қолиб кетаётган голландиялик 27 ёшли футболчи ҳам рақиб ҳужумчилари учун етарли бошоғриқ бўлади.
3. Самир Ханданович - "Интер"
Ханданович дунёнинг энг яхши дарвозабонларидан бири ҳисобланади. Ора-орада дарвозабоннинг клуби билан шартномасини узайтириши мумкинлиги ҳақида хабарларга кўзимиз тушиб қолади. Лекин, кўриб турганингиздек посбон рўйҳатимизнинг учинчи поғонасидан ўрин олган.
2. Хаби Алонсо - "Бавария"
Алонсо "Бавария"нинг етакчи футболчиларидан бири ҳисобланади. Лекин, нимагадир мюнхенликлар Хаби билан шартномани узайтиришга шошилмаяптилар. Балки, бунга унинг ёши сабабдир?
1. Златан Ибрагимович - "Пари Сен-Жермен"
34 ёшли Златан сайёрамизнинг энг кучли ҳужумчиларидан бири ҳисобланади. Парижликлар билан шартномаси якунига етиши кутилаётган швециялик футболчи балки АПЛга йўл олар...
