Uchrashuvda mezbonlar 1:0 hisobida g'alaba qozonishdi.
Makao bosh murabbiyi Jozef Tao Lao San:
O'yin haqida:
Bugungi o'yin biz uchun haqiqiy chorlov bo'ldi. Qirg'iziston terma jamoasi guruhimiz favoriti, ular kuchli o'ynashdi. Afsuski ikkinchi bo'limda koncentraciyani yo'qotib qo'ydik va gol o'tkazib qo'ydik.
O'yin davomida vaqt cho'zishlar haqida:
Makao futbolchilari vaqt cho'zgani haqidagi gaplar yolg'on. Futbolchilarimiz ko'plab jarohat olishdi. Qirg'iziston futbolchilari juda intensiv o'yin ko'rsatishdi.
Qirg'izistoning eng xavfli futbolchisi haqida:
Bu ularning bosh murabbiyi. Futbolchilarni ajratib o'tirmayman.
Qirg'izistonga qarshi uydagi o'yin haqida:
Biz har bir bahsda maydonga tushib maksimal tarzda o'ynaymiz. Uyimizda faqat g'alaba uchun o'ynaymiz.
Makao terma jamoasi sardori Chaeng Cheng Paulo:
Maydon holati haqida:
Ikkala jamoa futbolchilari bir xil sharoitda o'ynashdi. Mashg'ulotlar ham sun'iy maydonda bo'lib o'tgandi, bu maydonda ikkala jamoa faqat o'yin paytida harakat qilishdi.
Qirg'iziston terma jamoasi bosh murabbiyi Aleksandr Krestinin:
O'yin haqida:
Barchani yangi mavsum va g'alaba bilan tabriklayman. Bosim ostida o'ynadik va yakuniy natijadan qoniqdik. Qiyin bahsda natijaga erishdik.
Tarkibda o'zgarishlar haqida:
Keyingi yig'inlar davomida tarkibni o'zgarishini hal qilamiz. Barcha futbolchilarni kuzatib boramiz.
Maydon holati haqida:
Maydonni tayyorlagan xodimlarga katta rahmat. Ular mehnat qilishdi, tabiatga qarshi chiqib bo'lmaydi. Bunday maydonda hujum qilish emas, himoyalanish osonroq. Makao katta kuch bilan himoyalandi.
Guruhdagi raqiblar haqida:
Faqat Makaoni o'rganib chiqdik, Hindistonni endi o'rganamiz. Bitta narsani bilaman, birinchi o'ringa biz va yana qaysidir jamoa kurashadi. 
Qirg'iziston sardori Azamat Boymatov:
Gol haqida:
Raqibimiz Makao ularni hurmat qilamiz. Osiyoda futbol yildan yilga oshmoqda. Birinchi bo'limda nimadir qilishga urindik. Ikkinchi taymda gol urganimizdan xursandman.
Afsuski, biz o'yinga u qadar yaxshi tayyorgarlik ko'ra olmadik. Yig'in Antaliyada o'tdi, bu yerda faqat uch kun sun'iy maydonga o'rgandik xolos.
Marat Aksanov
Bishkek, Qirg'iziston
